منڈی میں باورچیوں کا انتظامیہ کے خلاف احتجاج

cooks Protest ضلع پونچھ کی تحصیل منڈی میں محکمہ تعلیم کے ذریعہ مختلف سرکاری اسکولوں میں تعینات کی گئى خاتون باورچیوں نے وقت پر تنخواہ نا ملنے کے خلاف احتججاج کیا۔انہوں نے کہاکہ انہیں وقت پر تنخواہ نہیں ملتی ہے اس کی وجہ سے انہیں بڑی پریشانیوں کا سامنا کرنا پڑ رہا ہے۔

منڈی:ضلع پونچھ کی تحصیل منڈی میں محکمہ تعلیم کے ماتحت چلنے والے مختلف سرکاری اسکولوں میں تعینات خاتون باورچیوں کی کم اجرت اور وقت پر تنخواہ نہ ملنے کی وجہ سے شدید مشکلات کا سامنا کرنا پڑ رہا ہے۔ خاتون باورچیوں نے کم اجرت،وقت پر تنخواہ ناملنے سمیت مختلف مطالبات کو لے کر احتجاج کیا۔

اس موقع پر مظاہرین نے تشویش کا اظہار کرتے ہوئے کہا کہ جہاں اس سے قبل سرکار کی جانب سے باورچیوں کو ماہانہ 500 روپیہ تنخواہ دی جاتی تھی۔ بعدازاں سرکار کی جانب سے تنخواہ میں اضافہ کرتے ہوئے 1000 روپیہ ماہانہ تنخواہ کی گئی تھی۔ جس سے باورچیوں کو تھوڑی راحت نصیب ہوئی تھی۔

انہوں نے کہاکہ لیکن بدقسمتی سے وہ تنخواہ بھی باورچیوں کو ایک سال کے بعد دی جاتی ہے۔ جس کی وجہ سے سرکاری اسکولوں میں تعینات خاتون باورچیوں کو پریشانیوں کا سامنا کرنا پڑتا ہے۔

ان کا کہنا تھا کہ ہم اپنے بچوں کو گھر میں چھوڑ کر صبح سے اسکول میں چھٹی ہونے تک اسکول میں ہی رہتے ہیں۔ لیکن باوجود اس کے فقط ایک ہزار روپیہ ماہانہ تنخواہ دی جاتی ہے اور وہ بھی وقت پر میسر نہیں ہوتی ہے۔ جس کی وجہ باورچیوں کو گوناگوں مشکلات درپیش ہیں۔