خانقاہ اونتی پورہ میں میگا بلاک دیوس کا اہتمام

Block Divas In Awantipora ضلع پلوامہ کے اونتی پورہ کے شاہ آباد میں واقع حلقہ خانقاہ میں بلاک دیوس کا اہتمام کیا گیا جس میں مقامی باشندوں نے جوش و خروش کے ساتھ حصہ لیا۔ مقامی باشندوں نے اعلیٰ حکام کے سامنے اپنے مسائل کو اجاگر کیا۔

اونتی پورہ:سب ضلع انتظامیہ اونتی پورہ کی جانب سے آج شاہ آباد کے حلقہ خانقاہ میں بلاک دیوس کاانعقاد کیا گیا ۔اس میں ڈی ڈی سی ڈاڈہ سرہ اوتار سنگھ، بی ڈی او ڈاڈہ سرہ لطیف احمد شاہ کے علاوہ تمام لائن ڈیپارٹمنٹ کے اعلیٰ افسران اور عام لوگوں کی ایک کثیر تعداد موجود تھی ۔

اس موقع پر پنچایت حلقہ شاہ آباد کے مختلف حلقہ جات سے آۓ ہوۓ وفود نے اپنے مطالبات اور مشکلات بی ڈی او ڈاڈہ سرہ کی نوٹس میں لاۓ جنہوں نے مسائل کو مرحلہ وار طریقے پر حل کرنے کا یقین دلایا۔مقامی باشندوں نے علاقے میں بجلی کی ابتر صورتحال ،سڑکوں کی خستہ ہالی اور دیگر معاملات حکام کی نوٹس میں لایے لوگوں نے امید ظاہر کی انکے مسایل کا ازالہ ترجیحی بنیادوں پر کیا جاے گا۔

اس موقع پر ڈی سی ڈاڈہ سرہ اوتار سنگھ نے اپنی تقریر میں کہا کہ بلاک دیوس عام لوگوں سے مقامی مسائل کا درست اور زمینی جائزہ لینے اور اس کے ازالے کے لیے منایا جاتا ہے جس سے عوام کو ان کے دروازے پر حکمرانی فراہم کی جاتی ہے۔انہوں نے اس بات کا اعادہ کیا کہ بلاک دیوس لوگوں کے لیے اپنی شکایات کو پیش کرنے اور فوری جواب حاصل کرنے کا ایک نیا پلیٹ فارم ہے۔