پلوامہ(جموں و کشمیر):بھارتیہ جنتا پارٹی کے یووا مورچہ نے آج ضلع پلوامہ کے نہامہ علاقہ میں ایک عوامی دربار اور کنونشن کا انعقاد کیا۔ پروگرام کے دوران بی جے پی کے ضلع صدر پلوامہ محمد لطیف بٹ کے علاوہ پارٹی کے دیگر سینیئر ممبران کی موجود تھے، جہاں انہوں نے پروگرام کے دوران عوام کی شکایات اور مطالبات سننے۔
پروگرام کا بنیادی مقصد نہامہ اور اس سے متعلقہ علاقوں کے لوگوں کے مطالبات اور شکایات کو سننا اور مختلف مرکزی اسپانسرڈ اسکیموں کے بارے میں بیداری فراہم کرنا ہے۔ نہامہ اور اس سے متعلقہ علاقوں کے لوگوں خاص طور پر نوجوانوں نے پروگرام میں شرکت کی اور بی جے پی کے سینیئر ممبران کے سامنے اپنے مطالبات اور شکایات پیش کیں۔ ضلع بی جے پی صدر نے انہیں یقین دلایا کہ تمام مطالبات اور شکایات کا فوری ازالہ مختصر وقت میں کیا جائے گا، جبکہ ان کو ضلع انتظامیہ کی نوٹس میں بھی لایا جائے گا۔