ممبئی: بالی ووڈ اداکار سدھارتھ ملہوترا کی آنے والی فلم 'یودھا' کا نیا پوسٹر جاری کر دیا گیا ہے۔ساگر آمبرے اور پشکر اوجھا کی ہدایت کاری میں بننے والی 'یودھا' کو کرن جوہر نے پروڈیوس کیا ہے۔ سدھارتھ ملہوترا نے سوشل میڈیا پر 'یودھا' کا نیا پوسٹر جاری کیا ہے۔ اس پوسٹر میں سدھارتھ اپنے مقصد پر توجہ مرکوز کرتے نظر آرہے ہیں۔ ہاتھ میں بندوق لیے سدھارتھ اپنی نظریں اپنے نشانے پر جمائے ہوئے ہیں۔فلم میں ان کا اوتار بہت ڈیشنگ لگ رہا ہے۔ اسے شیئر کرتے ہوئے سدھارتھ ملہوترا نے کیپشن میں لکھا، فوکس سیٹ، منزل نظر میں!
فلم ''یودھا' ایک طیارہ ہائی جیک کی کہانی پر مبنی پر کہانی ہے۔ فلم میں دکھایا جائے گا کہ طیارہ دہشت گردوں نے ہائی جیک کر لیا ہے۔ تب آف ڈیوٹی سپاہی (سدھارتھ) مسافروں کو دہشت گردوں سے بچانے کی حکمت عملی تیار کرتا ہے۔ فلم ’یودھا‘ میں سدھارتھ ملہوترا، دیشا پٹانی اور راشی کھنہ کے اہم کردار ہیں۔یہ ایک ایکشن فلم ہے، جسے کرن جوہر نے پروڈیوس کیا ہے۔ اس کی ہدایت کاری ساگر آمبرے اور پشکر اوجھا نے کی ہے۔ فلم یودھا اس سال 15 مارچ کو ریلیز ہوگی۔