آر بی آئی نے پالیسی ریپو ریٹ کو 11ویں مرتبہ 6.5 فیصد پر برقرار رکھا

RBI نے 11ویں بار ریپو ریٹ مستحکم، مالی سال 2025 میں جی ڈی پی کا تخمینہ 6.6 اور افراط زر 4.8 فیصد رکھا گیا ہے۔

ممبئی: آر بی آئی کے گورنر شکتی کانت داس نے آج مانیٹری پالیسی کمیٹی کے فیصلے کا اعلان کیا۔ گورنر شکتی کانت داس نے ریپو ریٹ کو 6.5 فیصد پر برقرار رکھا۔ شکتی کانت داس نے کہا کہ، مائیکرو اکانومی آؤٹ لک کے تفصیلی جائزے کے بعد مانیٹری پالیسی کمیٹی نے 4:2 کی اکثریت سے پالیسی ریپو ریٹ کو 6.5 فیصد پر برقرار رکھنے کا فیصلہ کیا ہے۔

آر بی آئی کے گورنر شکتی کانت داس نے بینکوں سے کہا ہے کہ وہ غیر فعال کھاتوں کی تعداد کے ساتھ ساتھ غیر دعوی شدہ ڈپازٹس کو بھی کم کریں۔

آر بی آئی کے گورنر شکتی کانت داس نے کیش ریزرو ریشو (سی آر آر) کو 50 بیسس پوائنٹس (بی پی ایس) سے کم کر کے 4 فیصد کر دیا۔

مالی سال 2025 کے لیے حقیقی جی ڈی پی اب 6.6 فیصد رہنے کا تخمینہ لگایا گیا ہے۔ وہیں، مالی سال 2025 کے لیے افراط زر کا تخمینہ 4.8 فیصد ہے۔

آر بی آئی کے گورنر نے کہا کہ تیسری سہ ماہی کے دوران خوراک کی افراط زر برقرار رہنے کی امید ہے۔ لیکن مالی سال 2025 کی چوتھی سہ ماہی سے اس میں کمی متوقع ہے۔

آر بی آئی کے گورنر نے کہا کہ مینوفیکچرنگ سیکٹر میں کمزوریاں زیادہ نہیں ہیں، جس سے یہ ظاہر ہوتا ہے کہ چیلنجز پوری صنعت کو متاثر کرنے کے بجائے مخصوص شعبوں تک محدود ہیں۔

آر بی آئی کے گورنر شکتی کانت داس نے اس بات پر زور دیا کہ موسمی حالات، مالیاتی عدم استحکام اور جغرافیائی سیاسی پیش رفت مہنگائی کے لیے اہم خطرات کا باعث ہیں۔