خوشخبری۔۔۔ یکم جولائی سے ٹرین کے ٹکٹ سستے، جانیے کتنا کم ہوا کرایہ - Train ticket become cheaper

کورونا وبا کی شروعات سے ریل کے کرایوں میں اضافہ سے پریشان مسافروں کے لیے ایک بڑی خوشخبری ہے۔ یکم جولائی سے ٹرین کے ٹکٹ سستے ہو گئے ہیں۔ تفصیلی خبر پڑھیے

حیدرآباد: کورونا وبا کے دوران محکمہ ریلوے نے کئی ایسے اقدامات کیے تھے جس سے مسافروں کو آسانی تو ہو رہی تھی تاہم جیب پر بوجھ بڑھ گیا تھا۔ محکمہ ریلوے نے کووڈ کے بعد کئی ٹرینوں کے نمبر بدل دیئے تھے اور اسے اسپیشل ٹرین کے نام سے چلایا جارہا تھا۔ ایک لمبے عرصہ کے بعد اب محکمہ ریلوے نے دوبارہ ان تمام ٹرینوں کو پرانے نمبروں کے ساتھ چلانا شروع کر دیا ہے۔

• یکم جولائی سے کرایوں میں کمی:

تقریباً پانچ سال بعد اسپیشل ٹرین اب مسافر ٹرین میں تبدیل ہو جائے گی اور اپنے پرانے باقاعدہ نمبر کے ساتھ چلائی جائے گی۔ قابل غور بات یہ ہے کہ لکھنؤ ڈویژن کی تقریباً 24 ایسی ٹرینیں ہیں جن کا کرایہ یکم جولائی سے نومبر تک اپنی تاریخوں میں تبدیلی کے بعد عام ٹرینوں کی طرح مسافروں سے وصول کیا گیا ہے۔ شمالی ریلوے لکھنؤ ڈویژن کے ذریعہ چلائی جانے والی تمام خصوصی ٹرینیں اب باقاعدہ نمبروں والی مسافر ٹرینوں کے طور پر چلیں گی۔ یہ تمام ٹرینیں جس میں لکھنؤ، منڈل، مراد آباد اور امبالہ ڈویژنوں سمیت 119 ٹرینیں شامل ہیں۔

• اسپیشل ٹرین کی پہچان کیا ہے؟

یہ بات بھی یاد رکھنا ضروری ہے کہ جس ٹرین کا نمبر صفر سے شروع ہوتا ہے اسے اسپیشل ٹرین سمجھا جاتا ہے۔ ان کے کرایے عام ٹرینوں کے مقابلے میں سب سے زیادہ ہیں، یکم جولائی سے ٹرینوں کی تعداد میں تبدیلی کی گئی ہے جس کی وجہ سے ان تمام ٹرینوں کے کرایے بھی کم ہو گئے ہیں۔

• ٹرینوں کے نمبر تبدیل کیے گئے:

فرکا ایکسپریس کا نمبر تبدیل ہوا ہے۔ بالورگھاٹ – بھٹنڈہ فرکا ایکسپریس کا پرانا نمبر 13413/13483 تھا۔ جسے اب 15733/15744 میں تبدیل کر دیا گیا ہے۔ شمالی ریلوے لکھنؤ ڈویژن انتظامیہ کے مطابق خصوصی نمبروں کے ساتھ چلنے والی مسافر ٹرینیں پرانے نمبروں کے ساتھ چلائی جائیں گی۔ اگر یہ ٹرینیں ریگولر نمبروں سے چلائی جائیں گی تو ان کے کرایے بھی تقریباً 50 فیصد سستے ہو جائیں گے۔ اس وقت صفر سے شروع ہونے والی ٹرینیوں کے مسافروں سے جنرل کلاس میں بھی ایکسپریس ٹرین کا کرایہ وصول کیا جا رہا ہے۔