ناگپور: آر ایس ایس کے سربراہ موہن بھاگوت نے ہفتہ کے روز کہا کہ بھارت پچھلے کچھ سالوں میں بڑھی ہوئی ساکھ کے ساتھ دنیا میں مضبوط اور زیادہ قابل احترام بن گیا ہے لیکن مذموم سازشیں ملک کے عزم کا امتحان لے رہی ہیں۔ انہوں نے کہا کہ بنگلہ دیش میں پروپگنڈہ کیا جارا ہے کہ بھارت ایک خطرہ ہے اور اسے دفاع کے طور پر پاکستان کے ساتھ ہاتھ ملانا چاہیے۔ بھاگوت ناگپور میں راشٹریہ سویم سیوک سنگھ (آر ایس ایس) کی سالانہ وجے دشمی ریلی سے خطاب کر رہے تھے۔
انہوں نے کہا کہ قوم کےلئے لوگوں وابستگی سے ملک عظیم بنتا ہے۔ انہوں نے کہا کہ یہ سال کافی اہم ہے کیونکہ آر ایس ایس کے سو سال مکمل ہورہے ہیں۔ انہوں نے کہا کہ امیدوں اور امنگوں کے علاوہ بھارت میں چیلنجز اور مسائل بھی موجود ہیں۔ آر ایس ایس کے سربراہ نے کہا کہ ہمیں اہلیابائی ہولکر، دیانند سرسوتی، برسا منڈا جیسی شخصیات سے ترغیب حاصل کرنی چاہئے جنہوں نے دھرم، ثقافت اور سماج کے لیے اپنی زندگیاں وقف کر دیں۔