باکسر وجیندر سنگھ کانگریس چھوڑ کر بی جے پی میں شامل ہوئے - Vijender Singh Joins BJP

باکسنگ میں بھارت کے پہلے اولمپک میڈلسٹ اور کانگریس لیڈر وجیندر سنگھ بی جے پی میں شامل ہوگئے۔ انہوں نے 2019 کا لوک سبھا الیکشن کانگریس کے ٹکٹ پر جنوبی دہلی کے حلقے سے لڑا تھا لیکن وہ ہار گئے تھے۔

نئی دہلی: ایک اور سیاسی پیش رفت میں بھارت کے لیے باکسنگ میں پہلا اولمپک تمغہ جیتنے والے وجیندر سنگھ نے کانگریس لیڈر کی حیثیت سے استعفیٰ دینے کے بعد بدھ کو بھارتیہ جنتا پارٹی (بی جے پی) میں شمولیت اختیار کرلی ہے۔

وجیندر سنگھ کا نام پچھلے کچھ دنوں سے متھرا سے کانگریس کے امیدوار کے طور پر گردش کر رہا تھا، جہاں سے اداکار اور موجودہ رکن پارلیمنٹ ہیما مالنی دوبارہ انتخاب لڑ رہی ہیں۔ انہوں نے 2019 کا لوک سبھا الیکشن کانگریس کے امیدوار کے طور پر جنوبی دہلی کے حلقے سے لڑا تھا لیکن وہ ہار گئے تھے۔

جاٹ برادری کے طور پر ریاست ہریانہ کے وجیندر سنگھ، مغربی اتر پردیش اور راجستھان میں بڑی تعداد میں سیٹوں پر سیاسی اثر و رسوخ رکھتا ہے، اور زعفرانی پارٹی اسی سے فائدہ اٹھانا چاہے گی۔

قابل ذکر ہے کہ راہل گاندھی کی بھارت جوڑو یاترا میں ہریانہ کے اولمپیئن باکسر وجیندر سنگھ نے بھی حصہ لیا تھا۔ ساتھ ہی وجیندر سنگھ نے کسان تحریک کی بھی حمایت کی تھی۔ وجیندر نے 2008 میں بیجنگ، چین میں منعقدہ اولمپکس میں کانسی کا تمغہ جیتا تھا۔ وہ ایشین گیمز میں گولڈ میڈل جیت چکے ہیں۔

اس کے علاوہ وہ بالی ووڈ فلموں میں بھی نظر آ چکے ہیں۔ چند ماہ قبل انہوں نے سوشل میڈیا پلیٹ فارم ایکس پر ایک پوسٹ کر کے سب کو حیران کر دیا تھا، جس میں انہوں نے لکھا تھا کہ ’’راجنیتی رام رام بھائی‘‘۔ تاہم بعد میں انہوں نے اسے مسترد کرتے ہوئے سیاست میں سرگرم رہنے کا اعلان کیا۔