రోగనిరోధకశక్తి పెంచే పవర్​ఫుల్​ ఫుడ్స్​ ఇవే!

మన చుట్టూ నిరంతరం బోలెడన్ని హానికారిక సూక్ష్మక్రిములు తిరుగుతుంటాయి. వాటి బారిన పడితే ఇన్​ఫెక్షన్లు, రోగాలు దాడి చేస్తుంటాయి. అదే మన శరీరంలో రోగనిరోధకశక్తి బలంగా ఉంటే ఏ క్రిములు ఏమీ చేయలేవు. కొన్ని రకాల ఆహారపదార్థాలు తీసుకుంటే ఇమ్యూనిటీ పవర్​ పెరుగుతుంది. మరి అవేంటో చూద్దాం..

మొన్న సార్స్‌, నిన్న ఎబోలా, నేడు కరోనా.. ఇలా కొన్నేళ్లుగా ఏదో ఒక వైరస్‌ మానవాళిని వణికిస్తూనే ఉంది. భవిష్యత్​లో ఇంకేం వైరస్‌ దాడి చేస్తుందో తెలియదు. ఇదే కాదు.. సీజన్‌ మారగానే వచ్చే జలుబు, ఫ్లూ, డెంగీ జ్వరాలకు కారణమూ వైరస్సే. కాబట్టి వాటిని ఎదుర్కొనేందుకు మన శరీరాన్ని సిద్ధం చేయాలి. అందుకు రోగనిరోధకశక్తిని(Immunity) పెంచుకోవాలి. మరి ఏ ఆహారం తింటే ఇది పెరుగుతుందో చూద్దాం..

పుచ్చకాయ: ఇందులో ఉండే గుట్లాథియాన్​ యాంటిఆక్సిడెంట్స్ వలన ఇమ్యునిటీ పెరుగుతుంది.

క్యాబేజి: ఇందులో ఉండే గ్లుటమైన్ వ్యాధి నిరోధకశక్తిని​ పెంచుతుంది. దీన్ని కూర లేదా సలాడ్​గా తీసుకోవచ్చు.

బాదంపప్పు: పావ్​ కప్పు తీసుకుంటే ఆ రోజుకు సరిపడ విటమిన్​-ఇ మోతాదు సగం దొరికినట్టే.

పెరుగు: రోజుకు ఓ కప్పు తింటే జలుబు రాకుండా, విటమిన్​ డి లోపం లేకుండా చేస్తుంది. జబ్బులతో పోరాడే శక్తిని పెంచుతుంది.

వెల్లుల్లి: ఇందులో బోలెడన్ని యాంటిఆక్సిడెంట్స్​ ఉంటాయి. జీర్ణాశయంలో హానికలిగించే క్రిములను బాగా ఎదుర్కొంటుంది.

పాలకూర: ఈ ఆకుకూరలో ఫోలేట్ పుష్కలంగా​ ఉంటుంది. కొత్త కణాల పుట్టుకలో, డీఎన్​ఏ మరమ్మత్తులో పాల్గొంటుంది. విటమిన్-సి కూడా దొరుకుతుంది.

చిలకడదుంప: ఈ దుంపలో బీటా కెరోటిన్లు బాగా ఉంటాయి. ఇవి విశృంఖన కణాల నుంచి ఎదురయ్యే అనర్థాలను సమర్థంగా ఎదుర్కొంటాయి.

పచ్చగోబీ పువ్వు: మన ఆరోగ్యాన్ని కాపాడే పోషకాలు దండిగా ఉంటాయి. దీనిద్వారా విటమిన్​ ఏ, సి, బి, డి, గుట్లాథియాన్ పొందవచ్చు.

ఇదీ చూడండి: ఈ దినుసులతో రోగనిరోధక శక్తి మీ సొంతం..!