యాంటీ- యాంటీబయోటిక్స్‌ వస్తున్నాయ్‌!

వ్యాధి నివారణ కోసం వాడే యాంటీబయోటిక్స్​ను ఏళ్ల తరబడి వాడడం వల్ల రోగకారక సూక్ష్మ జీవులు వాటిని తట్టుకునే శక్తిని పెంచుకుంటాయి. అందుకే యాంటీబయోటిక్స్‌కే విరుగుడుగా పనిచేసే సరికొత్త మందును రూపొందించారు పరిశోధకులు. యాంటీబయోటిక్‌తో పాటే దీన్నీ తీసుకుంటే వ్యాధికారక బ్యాక్టీరియాలో యాంటీబయోటిక్‌ను ఎదుర్కొనే శక్తి పెరగదట.

వ్యాధి నివారణకోసం యాంటీబయోటిక్స్‌ను వాడటం తెలిసిందే. అయితే వీటిని తట్టుకునే శక్తి రోగకారక బ్యాక్టీరియాకి పెరిగిపోవడంతో ఒక దశలో అవి కూడా పనిచేయడంలేదు. అందుకే యాంటీబయోటిక్స్‌కే విరుగుడుగా పనిచేసే సరికొత్త మందును రూపొందించారు పరిశోధకులు. అంటే- యాంటీబయోటిక్‌తోపాటే దీన్నీ తీసుకుంటే వ్యాధికారక బ్యాక్టీరియాలో యాంటీబయోటిక్‌ను ఎదుర్కొనే శక్తి పెరగదట. ఏళ్ల తరబడి యాంటీబయోటిక్స్‌ను వాడటం వల్ల రోగకారక సూక్ష్మజీవులకి వాటిని తట్టుకునే శక్తి పెరిగి సూపర్‌బగ్స్‌గా మారుతున్నాయి.

ఈ సమస్యను ఎదుర్కొనడానికి సాగిన పరిశోధనలో భాగంగా- రకరకాల ఇన్ఫెక్షన్లకు కారణమయ్యే ఎంటెరొకాకస్‌ ఫీసియమ్‌ అనే బ్యాక్టీరియాని అడ్డుకునేందుకు యాంటీబయోటిక్‌తోపాటు దానికి విరుగుడును కూడా ఇచ్చి చూశారట. రోగకారక సూక్ష్మజీవుల సంఖ్య బాగా తగ్గినట్లు గుర్తించారు. ఈ రెండింటినీ కలిపి ఇవ్వడం వల్ల ఎక్కువ ఫలితం ఉంటుందంటున్నారు పరిశోధకులు.

ఇదీ చదవండి:సునీత ప్రీ వెడ్డింగ్‌ పార్టీలో రేణు దేశాయ్,సుమ