ప్లాస్టిక్ ప్రత్యామ్నాయ తయారీపై మహిళలకు శిక్షణ

పర్యావరణ పరిరక్షణకు సిద్దిపేట జిల్లా హుస్నాబాద్​లో జనవికాస గ్రామీణాభివృద్ధి సంస్థ కృషి చేస్తోంది. ప్లాస్టిక్​కు ప్రత్యామ్నాయంగా జనపనార సంచులను తయారుచేయిస్తూ మహిళలకు స్వయం ఉపాధినీ కల్పిస్తున్నారు.

పర్యావరణానికి ప్లాస్టిక్ పెనుముప్పుగా మారింది. ప్లాస్టిక్​ కవర్లు, సంచులకు ప్రత్యామ్నాయంగా జనపనార సంచుల తయారీపై సిద్దిపేట జిల్లా హుస్నాబాద్​లోని జనవికాస గ్రామీణాభివృద్ధి సంస్థ మహిళలకు శిక్షణ ఇస్తోంది. మహిళలకు కుట్లు- అల్లికలు నేర్పిస్తున్న ఈ సంస్థ... ప్లాస్టిక్ భూతాన్ని పారద్రోలేందుకు వారికి జనపనార సంచుల తయారీపై ఉచిత శిక్షణను ఇప్పిస్తున్నారు.

హుస్నాబాద్​, అక్కన్నపేట మండలాలకు చెందిన 15 మంది మహిళలకు ఈ నెల 19న శిక్షణ ప్రారంభించారు. వారికి 23 రకాల బ్యాగులు కుట్టడం నేర్పించారు. ఇలా సంచుల తయారీపై శిక్షణ అందిస్తూ వారికి స్వయం ఉపాధి అవకాశాలు కల్పిస్తున్న సంస్థకు మహిళలు కృతజ్ఞతలు తెలిపారు.

ఇదీ చూడండి:'నిర్భయ' కేసులో మరో దోషి క్యురేటివ్​ పిటిషన్