'మొక్కజొన్న రైతులు ఆందోళన పడకండి... ప్రతీ గింజ కొంటాం'

సిద్దిపేట జిల్లా మిరుదొడ్డిలో మంత్రి హరీశ్​రావు పర్యటించారు. మొక్కజొన్న దిగుబడిని పరిశీలించారు. రైతులతో మాట్లాడి... వారి అనుమానాలు నివృత్తి చేశారు. ఎలాంటి ఆందోళన చెందవద్దని భరోనా ఇచ్చారు.

మొక్కజొన్న రైతులు ఎలాంటి ఆందోళన పడొద్దు... ప్రతీ గింజ కొంటామని ఆర్థిక మంత్రి హరీశ్​రావు భరోసా ఇచ్చారు. సిద్దిపేట జిల్లా మిరుదొడ్డి మండల కేంద్రంలో మొక్కజొన్న దిగుబడిని పరిశీలించారు. అనంతరం రైతులతో మాట్లాడారు. "వేరే దేశాల నుంచి మక్కలు కొంటే... మన మక్కలు మోరి పాలేనా...?" అంటూ రైతులు అడిగిన ప్రశ్నలకు హరీశ్​రావు సమాధానమిచ్చారు.

కేంద్ర ప్రభుత్వం ఆఫ్రికా నుంచి మక్కలు తీసుకొచ్చి కోళ్లకు పోస్తానని చెబుతోందని హరీశ్​ అన్నారు. కష్టపడి రైతులు మక్కలు పండిస్తే... వాటికి మద్దతు ధర రాకుండా భాజపా ప్రభుత్వం ఫారిన్​ నుంచి తీసుకొస్తామంటోందని ఆరోపించారు. యాసంగిలో పండిన ప్రతీ గింజను రాష్ట్ర ప్రభుత్వం కొన్నదని.... ఈసారి కూడా కొంటుందని మంత్రి హామీ ఇచ్చారు. మొక్కజొన్న రైతుల సమస్యలను సీఎం కేసీఆర్ దృష్టికి తీసుకెళ్లి... పరిష్కారం చూపుతామని తెలిపారు.

ఇదీ చూడండి: పంట కోతలకు ఇక్కట్లు.. రైతులకు భారంగా మారనున్న ఖర్చులు