పేకాట స్థావరాలపై పోలీసుల దాడి.. 16 మంది అరెస్టు

సంగారెడ్డి జిల్లా బొల్లారం పారిశ్రామిక వాడలో రెండు పేకాట స్థావరాలపై పోలీసులు దాడి చేసి 16 మందిని అదుపులోకి తీసుకున్నారు. వారి వద్ద నుంచి నగదు స్వాధీనం చేసుకుని కేసు నమోదు చేశారు.

సంగారెడ్డి జిల్లా బొల్లారం పారిశ్రామికవాడలోని పేకాట ఆడుతున్న రెండు స్థావరాలపై దాడులు జరిపి 16 మందిని పోలీసులు అదుపులోకి తీసుకుని కేసులు నమోదు చేశారు. బొల్లారం పారిశ్రామిక వాడలో స్కిప్పర్స్ పరిశ్రమ వద్ద ఓ ఇంటిలో కొంతమంది పేకాట ఆడుతున్నారని సమాచారంతో పోలీసులు దాడులు చేశారు. తొమ్మిది మందిని పట్టుకుని 36,270 రూపాయలు స్వాధీనం చేసుకున్నారు.

అలాగే గడ్డపోతారం గ్రామం ప్రశాంత్​నగర్​లో మరో ఇంటిపై పోలీసులు దాడి చేసి ఏడుగురిని అదుపులోకి తీసుకున్నారు. వారి వద్ద నుంచి 23,980 రూపాయలు స్వాధీనం చేసుకుని వారిపై కేసు నమోదు చేసినట్లు పోలీసులు తెలిపారు.

ఇవీ చూడండి: రుణం ఇప్పిస్తానంటూ జవాన్​కు సైబర్​ కేటుగాడు టోకరా