గోదావరి జలాలతో ఘనంగా గ్రామ దేవతల జలాభిషేకం

నిజామాబాద్​ జిల్లా బాల్కొండలో దేవతల అమావాస్యను పురస్కరించుకుని గ్రామస్థులు గ్రామదేవతలందరికీ గోదావరి నదీ జలాలతో జలాభిషేకం నిర్వహించారు.

నిజామాబాద్​ జిల్లా బాల్కొండలో గ్రామ దేవతలను పవిత్ర గోదావరి నదీ జలాలతో జలాభిషేకం నిర్వహించారు. గ్రామ కమిటీ ఆధ్వర్యంలో దేవతల అమావాస్య కార్యక్రమాన్ని ఘనంగా జరిపారు. ప్రజలందరూ సుఖ సంతోషాలతో ఉండాలని.. పంటలు బాగా పండాలని కోరుతూ ఈ ఉత్సవాన్ని చేశారు.

గ్రామస్థులు పెద్ద ఎత్తున పాల్గొని గోదావరి నది నుంచి బిందెల్లో గంగా జలాన్ని గ్రామానికి తీసుకొచ్చారు. డప్పు వాయిద్యాలతో గంగా జలాలను ఊరేగించి దేవతలందరినీ అభిషేకించారు.

ఇదీ చూడండి : పురపాలికలను దక్కించుకునేందుకు తెరాస వ్యూహాలు