రాష్ట్ర మహిళా కమిషన్ ఛైర్ పర్సన్ సునీత లక్ష్మారెడ్డిని మంత్రి ఇంద్రకరణ్ రెడ్డి మర్యాదపూర్వకంగా కలిశారు. ఆదిలాబాద్ జిల్లాలోని కేస్లాపూర్ నాగోబా జాతరకు వెళ్తోన్న సునీత.. మార్గమధ్యలో నిర్మల్ జిల్లా అటవీ శాఖ కార్యాలయంలో కాసేపు విడిది చేశారు.
సునీత లక్ష్మారెడ్డికి మంత్రి ఇంద్రకరణ్ స్వాగతం
రాష్ట్ర మహిళా కమిషన్ ఛైర్ పర్సన్ సునీత లక్ష్మారెడ్డిని నిర్మల్ జిల్లా అటవీ శాఖ కార్యాలయంలో మంత్రి ఇంద్రకరణ్ రెడ్డి మర్యాదపూర్వకంగా కలిశారు. ఛైర్ పర్సన్గా బాధ్యతలు చేపట్టిన తర్వాత మొదటి సారి సునీత నిర్మల్ జిల్లాకు వెళ్లారు. నాగోబా జాతరకు బయలుదేరిన సునీత మార్గమధ్యలో అక్కడ బస చేశారు.
సునీత లక్ష్మారెడ్డి, మంత్రి ఇంద్రకరణ్ రెడ్డి
మహిళా కమిషన్ ఛైర్ పర్సన్గా బాధ్యతలు చేపట్టిన తర్వాత మొదటిసారి జిల్లాకు విచ్చేసిన సందర్భంగా మంత్రి.. ఆమెకు పుష్పగుచ్ఛం ఇచ్చి స్వాగతం పలికారు. అనంతరం బాసర సరస్వతీ దేవి ఆలయాన్ని సునీత దర్శించుకున్నారు. ఆలయ అర్చకులు అమ్మవారి ప్రసాదాన్ని అందజేశారు. ఈ కార్యక్రమంలో జడ్పీ ఛైర్ పర్సన్ విజయలక్ష్మి, తదితరులు పాల్గొన్నారు.
ఇదీ చదవండి:సాగర్ పర్యటనకు బయలుదేరిన సీఎం కేసీఆర్