అయ్యప్పలకు అన్నదానం చేసిన ముస్లిం యువకుడు

ఓ ముస్లిం యువకుడు అయ్యప్ప భక్తులకు అన్నదానం చేసి మత సామరస్యాన్ని చాటుకున్నాడు. అన్ని మతాలు, అందరు దేవుళ్లు ఒక్కటేనని, అయ్యప్ప దీక్ష చేస్తున్న భక్తులకు సేవ చేయడం ఎంతో సంతోషాన్ని ఇస్తుందని ఆ యువకుడు చెబుతున్నాడు.

అయ్యప్ప మాలధారులకు ముస్లిం యువకుడు అన్నదానం చేసి మత సామరస్యాన్ని చాటుకున్నాడు. నిర్మల్ జిల్లా కేంద్రంలో బాగులవాడ హనుమాన్ ఆలయంలో మంగళవారం సాజీత్ అయ్యప్ప స్వాములకు భీక్ష నిర్వహించారు.

గత మూడు ఏళ్ల నుంచి శబరిమలై అయ్యప్ప దర్శనంకు వెళ్తున్న అయ్యప్ప స్వాములకు సాజీత్ అన్నదానం చేయాలని నిర్ణయించుకున్నారు. అయ్యప్ప స్వామి దర్శనం ఎంతో ఆనందాన్ని ఇచ్చిందని.. అందుకే అన్నదానం చేస్తున్నట్లు ఆయన వివరించారు. అందరు దేవుళ్లు ఒక్కటేనని, ఎంతో కఠోరమైన అయ్యప్ప దీక్ష చేస్తున్న భక్తులకు సేవ చేయడం ఎంతో సంతృప్తినిస్తుందని సాజీత్​ అంటున్నారు.

ఇదీ చూడండి :వచ్చే నెలలో టీ-వర్క్స్ ప్రారంభమౌవుతాయి: కేటీఆర్