నల్గొండ జిల్లా తిప్పర్తి మండలంలోని తిప్పర్తి కన్నెకల్ రహదారిలోని రైల్వే అండర్ గ్రౌండ్ బ్రిడ్జి, మాడ్గులపల్లి మండలం చెర్వుపల్లికి వెళ్లే దారిలోని రైల్వే అండర్గ్రౌండ్ బ్రిడ్జిల కింది నుంచి వానొస్తే ముందుకు సాగలేక వాహనాదారులు ఇబ్బంది పడుతున్నారు. తిప్పర్తి మండలంలో మంగళవారం కురిసిన భారీ వర్షానికి రైల్వే అండర్ బ్రిడ్జి వాననీటితో నిండిపోయింది. తిప్పర్తి నుంచి కన్నెకల్కు వెళ్లే దారిలోని రైల్వే అండర్ గ్రౌండ్ బ్రిడ్జిలో ఐదు ఫీట్ల వరకు వర్షం నీరు చేరి.. బత్తాయి లోడుతో వెళ్తున్న లారీ బురదనీటిలో ఇరుక్కుపోయింది. ముందుకు గానీ.. వెనకకు గానీ కదలలేని బత్తాయి లారీని జేసీబీ సహాయంతో బయటికి లాగారు. ఈ రెండు రహదారుల్లోనూ వర్షం వచ్చిన ప్రతిసారి నీరు నిలిచి వాహనదారులు తీవ్ర ఇబ్బందులు పడుతున్నారు. అధికారులకు ఎన్నిసార్లు మొరపెట్టుకున్నా ప్రయోజనం లేదని ఆయా గ్రామాల ప్రజలు, వాహనచోదకులు ఆరోపిస్తున్నారు.
వానొస్తే ముందుకు సాగలేం.. తిప్పర్తి అండర్గ్రౌండ్ బ్రిడ్జి దుస్థితి!
తిప్పర్తి మండలంలోని తిప్పర్తి – కన్నెకల్ దారిలో వానొస్తే.. వర్షం నీటితో అండర్ బ్రిడ్జి నిండి రాకపోకలకు తీవ్ర అంతరాయం ఏర్పడుతుంది. దీంతో పాటు మాడ్గులపల్లి మండలం చెర్వుపల్లి వెళ్లే దారిలో సైతం రైల్వే అండర్ గ్రౌండ్ బ్రిడ్జి ఇదే స్థితిలో ఉంది.
వానొస్తే ముందుకు సాగలేం.. తిప్పర్తి అండర్గ్రౌండ్ బ్రిడ్జి దుస్థితి!