సెల్​ టవర్​ ఎక్కి ఉరి బిగించుకున్న ఆర్టీసీ డ్రైవర్​

ఆర్టీసీ కార్మికుల డిమాండ్లపై ప్రభుత్వం ఇప్పటివరకు ఎలాంటి నిర్ణయం తీసుకోకపోవడం వల్ల మనస్తాపానికి గురైన ఓ డ్రైవర్​ ఆత్మహత్యాయత్నానికి ప్రయత్నించాడు.

కార్మిక సమస్యలపై ప్రభుత్వం ఎలాంటి నిర్ణయం తీసుకోకపోవడం వల్ల మనస్తాపం చెంది నాగర్​కర్నూల్​ జిల్లా కొల్లాపూర్​లో ఆర్టీసీ డ్రైవర్ సత్తిరెడ్డి సెల్​ టవర్​ ఎక్కి ఆత్మహత్యాయత్నానికి ప్రయత్నించాడు. కొల్లాపూర్​లో డ్రైవరుగా పనిచేస్తున్న సత్తిరెడ్డి.. సమ్మెపై ప్రభుత్వం ఎలాంటి నిర్ణయం తీసుకోకపోవడం వల్ల మనస్తాపానికి గురై ఆత్మహత్యకు యత్నించాడు.

సమాచారం తెలిసిన పోలీసులు టవర్ దగ్గరకు వెళ్లి డ్రైవర్​ను సముదాయించినా.. వినలేదు. మెడకు వైర్​ చుట్టుకొని వేలాడుతున్న సత్తిరెడ్డిని వెంటనే ఎస్ఐ మురళి గౌడ్ టవర్ పైకి ఎక్కి డ్రైవర్ మెడకు ఉన్న వైర్​ను తొలగించారు. డ్రైవర్ సత్తిరెడ్డిని కిందకు దించే ప్రయత్నం చేశారు. శ్వాస సరిగ్గా తీసుకోకపోవడం వల్ల పోలీసులు కొల్లాపూర్ ప్రభుత్వ ఆసుపత్రికి తరలించారు. మెరుగైన చికిత్స కోసం నాగర్​కర్నూల్ ఆసుపత్రికి తరలించినట్లు వైద్యులు వెల్లడించారు.

ఇదీ చూడండి : 'కాంగ్రెస్​ నాయకులనే టార్గెట్​ చేస్తున్నారు'