దిల్లీలో యాచించి కాదు శాసించి నిధులు తెచ్చుకుందాం

ప్రచారానికి ఒక్కరోజే మిగులున్నందున ప్రధాన పార్టీల ప్రచారం తారాస్థాయికి చేరింది. రోడ్​షోలు, బహిరంగ సభలతో హోరెత్తిస్తున్నారు. ప్రతిపక్ష పార్టీ అభ్యర్థలపై మాటల తూటాలతో విరుచుకుపడుతున్నారు. మల్కాజిగిరి లోక్​సభ తెరాస అభ్యర్థి రాజశేఖర్​రెడ్డి తరఫున తెరాస కార్యనిర్వాహక అధ్యక్షుడు కేటీఆర్​ బాలానగర్​లో రోడ్​షోలో పాల్గొన్నారు.

రాష్ట్రంలో పదహారు స్థానాల్లో గెలిస్తే గల్లీ నుంచి దిల్లీ వరకూ గులాబీ జెండానే ఎగురుతుందని తెరాస కార్యనిర్వాహక అధ్యక్షుడు కేటీఆర్​ అన్నారు. మల్కాజిగిరి లోక్​సభ తెరాస అభ్యర్థి రాజశేఖర్​రెడ్డి తరఫున రోడ్​షోలో పాల్గొన్నారు. దేశంలో మోదీ గ్రాఫ్​ పడిపోయిందని, కాంగ్రెస్​కు ఓటేయడం కంటే మూసిలో పారేయడం మంచిదన్నారు. కారు గుర్తుపై ఓటేసి తెరాస ఎంపీ అభ్యర్థిని గెలిపించాలని విజ్ఞప్తి చేశారు. ప్రచారంలో ఎంపీ అభ్యర్థి రాజశేఖర్​ రెడ్డి, మంత్రి మల్లారెడ్డి, ఎమ్మెల్యే కృష్ణారావు,ఇతర ముఖ్య నేతలు పాల్గొన్నారు.

ఇదీ చదవండి: తనయుడి గెలుపు కోసం తలసాని ప్రచారం