భూత్​పూర్​లో తెరాస పాగా.. రాత్రికి రాత్రే మారిన సమీకరణాలు

మహబూబ్​నగర్​ జిల్లా భూత్​పూర్​లో జరిగిన పుర ఎన్నికల్లో  తెరాస, భాజపా సమానమైన వార్డుల్లో గెలుపొందారు. అయితే ఇద్దరు భాజపా సభ్యులు మంత్రి శ్రీనివాస్​గౌడ్ సమక్షంలో తెరాసలో చేరి ఛైర్మన్​ పదవిని గులాబీ పార్టీకి కట్టబెట్టారు.

మహబూబ్​నగర్​ జిల్లా భూత్​పూర్ పురపాలిక రాజకీయాలు రాత్రికి రాత్రే మారిపోయాయి. ఎన్నికల్లో భాజపా తరపు విజయం సాధించిన ఛైర్మన్ అభ్యర్థి శ్రీనివాసులు తెరాసలో చేరారు. మరో సభ్యుడు రామకృష్ణ కూడా మంత్రి శ్రీనివాస్​గౌడ్ సమక్షంలో తెరాసలో చేరారు.

భూత్​పూర్​లో 10 వార్డులకు తెరాస 4, భాజపా 4, కాంగ్రెస్​ 2 స్థానాలు గెలిచారు. ఛైర్మన్ పదవిని దక్కించుకునేందుకు ఏ పార్టీకి స్పష్టమైన ఆధిక్యం లేనందున... ఆ మున్సిపాలిటీ రాజకీయాలపై అందరికీ ఆసక్తి నెలకొంది.

ఈ తరుణంలో ఇద్దరు భాజపా సభ్యలు తెరాసలో చేరగా గులాబీ పార్టీకి బలం చేకూరింది. సంపూర్ణ మెజార్టీ ఉన్నందున భూత్​పూర్​లో ఛైర్మన్​ పదవిని తెరాస కైవసం చేసుకోనుంది.

ఇదీ చూడండి : పురపాలికలను దక్కించుకునేందుకు తెరాస వ్యూహాలు