కరీంనగర్​లో 144 సెక్షన్​ అమలు

మున్సిపల్​ ఎన్నికల నేపథ్యంలో జిల్లాలోని అన్ని పోలింగ్​ స్టేషన్ల పరిధిలో రానున్న 48 గంటల పాటు 144 సెక్షన్ అమలులో ఉంటుందని జిల్లా పాలనాధికారి కె.శశాంక పేర్కొన్నారు.

రేపు జరుగనున్న మున్సిపల్ ఎన్నికల నేపథ్యంలో కరీంనగర్​ జిల్లాలోని అన్ని పోలింగ్ స్టేషన్ల పరిధిలో రానున్న 48 గంటల పాటు 144 సెక్షన్ అమలులో ఉంటుందని జిల్లా కలెక్టర్ కె. శశాంక పేర్కొన్నారు. ప్రజలు, కార్యకర్తలు గుంపులు గుంపులుగా ఉండరాదని.. ఎన్నికల కోసం లాడ్జింగ్​లు, ఇతర కమ్యూనిటీ హాళ్లు తీసుకోరాదని సూచించారు.

ప్రజలు, పార్టీల కార్యకర్తలు ఈ విషయాన్ని గమనించి, ఎన్నికలు సజావుగా సాగడానికి సహకరించాలని ఆయన కోరారు. ఎన్నికల నిబంధనలు ఉల్లంఘించిన వారిపై రాష్ట్ర ఎన్నికల సంఘం నియమావళి ప్రకారం చట్ట పరమైన చర్యలు తప్పవని కలెక్టర్ హెచ్చరించారు.

ఇదీ చూడండి : భారత్‌లో పెట్టుబడులకు మొదటి మజిలీ తెలంగాణయే