ఉత్తమ్​కుమార్​ రెడ్డి వ్యాజ్యంపై విచారణ జనవరి 6 కి వాయిదా

మున్సిపల్ ఎన్నికలపై టీపీసీసీ అధ్యక్షుడు ఉత్తమ్ కుమార్ రెడ్డి దాఖలు చేసిన ప్రజా ప్రయోజన వ్యాజ్యంపై విచారణ ఈ నెల 6కి వాయిదా పడింది. సీనియర్ న్యాయవాది దేశాయ్ ప్రకాశ్​రెడ్డి వాదనలు వినిపిస్తారని ధర్మాసనానికి న్యాయవాది దామోదర్​రెడ్డి తెలిపారు. ప్రకాశ్​రెడ్డి అందుబాటులో లేనందున... గడువు కావాలని కోరారు. అభ్యర్థనను అంగీకరించిన ధర్మాసనం విచారణ ఈనెల 6కి వాయిదా వేసింది. రిజర్వేషన్లు ఖరారు చేయకుండా... ఎన్నికల షెడ్యూల్, నోటిఫికేషన్ ఇవ్వడం చట్ట విరుద్ధమని పిటిషన్​లో ఉత్తమ్ పేర్కొన్నారు. మున్సిపల్ ఎన్నికలను రీ షెడ్యూల్ చేయాలని అభ్యర్థించారు.

ఇవీ చూడండి: ప్రాణం పోసే అంబులెన్సే.. ప్రాణం తీసింది!