'ఉద్యోగులందరూ జనతా కర్ఫ్యూలో పాల్గొనాలి'

ప్రధాని మోదీ, తెలంగాణ సీఎం కేసీఆర్​ పిలుపు మేరకు జనతా కర్ఫ్యూలో ఉద్యోగులందరూ పాల్గొనాలని టీఎన్​జీవో కేంద్ర సంఘం అధ్యక్షుడు కారెం రవీందర్​ రెడ్డి తెలిపారు. ఆదివారం ఉదయం 6 గంటల నుంచి సోమవారం ఉదయం 6 గంటల వరకు ఇంటికే పరిమితం కావాలని సూచించారు.

కరోనా వ్యాప్తి నివారణకు కేంద్ర, రాష్ట్ర ప్రభుత్వాలు చేపడుతున్న జనతా కర్ఫ్యూను విజయవంతం చేయాలని టీఎన్​జీవో కేంద్ర సంఘం అధ్యక్షుడు కారెం రవీందర్ రెడ్డి కోరారు. తెలంగాణలో పనిచేస్తున్న గెజిటెడ్ అధికారులు, కాంట్రాక్టు మరియు ఔట్ సోర్సింగ్​ ఉద్యోగులు... ఆదివారం ఉదయం 6 గంటల నుంచి సోమవారం ఉదయం 6గంటల వరకు ఇళ్లకే పరిమితం కావాలని విజ్ఞప్తి చేశారు.

ఆదివారం సాయంత్రం 5 గంటలకు ఉద్యోగులందరు తమ కుటుంబ సభ్యులతో... ఇంటి బయట నిల్చుని చప్పట్లు కొడుతూ... ఐక్యతతో కరోనాను అడ్డకుంటామని తెలపాలన్నారు. మన గురించి, మన కుటుంబసభ్యులు, రాష్ట్ర, దేశ భవిష్యత్తును కాపాడుకోవడం కోసం దీనిని తప్పనిసరిగా పాటించాల్సిందిగా విజ్ఞప్తి చేశారు.

ఇదీ చూడండి :'జనతా కర్ఫ్యూను జయప్రదం చేద్దాం'