హైకోర్టు తీర్పును రాష్ట్ర వ్యాప్తంగా అమలు చేయాలి: బండి సంజయ్​

గణేశ్​ ఉత్సవాలు నిర్వహించుకోవచ్చని హైకోర్టు ఇచ్చిన తీర్పు ప్రభుత్వానికి చెంపపెట్టని భాజపా రాష్ట్ర అధ్యక్షుడు బండి సంజయ్ అన్నారు. హైకోర్టు తీర్పును వెంటనే రాష్ట్ర వ్యాప్తంగా అమలు చేయాలని డిమాండ్ చేశారు.

గణేశ్​ ఉత్సవాల నిర్వహణపై హైకోర్టు తీర్పును గౌరవించి అధికారులు చర్యలు తీసుకోవాలని భాజపా రాష్ట్ర అధ్యక్షుడు బండి సంజయ్​ అన్నారు. ఇది హిందువుల విజయమని.. అయినా అడ్డంకులు సృష్టిస్తే పరిణామాలు తీవ్రంగా ఉంటాయని హెచ్చరించారు.

రాష్ట్ర ప్రభుత్వం హిందూ వ్యతిరేక విధానాలను తెలంగాణ హిందూ సమాజం ఎన్నటికీ మరువదని పేర్కొన్నారు. కరోనా నిబంధనలు పాటిస్తూ.. కోర్టు తీర్పు మేరకు నిరాటంకంగా గణేశ్​ నవరాత్రులు జరుపుకుందామని పిలుపునిచ్చారు. హైకోర్టు తీర్పుని అమలు చేయని అధికారులపై చర్యలు తీసుకోవాలన్నారు.

ఇది చూడండి : 'నాన్నా జాగ్రత్త.. ముద్దివ్వొద్దు, ముట్టుకోవద్దు!'