రాజేంద్రనగర్ వాలంతరీ కర్షక సాధికార సంఘటన్ అధ్వర్యంలో జాతీయ రైతు దినోత్సవ వేడుకలకు సభాపతి పోచారం శ్రీనివాస్ రెడ్డి ముఖ్య అతిథిగా హాజరయ్యారు. మాజీ ప్రధాని చౌదరి చరణ్ సింగ్ చిత్రపటం వద్ద సభాపతి నివాళులర్పించారు. ప్రతి ఏటా కృష్ణా, గోదావరి నుంచి నీరు వృథాగా వెళుతున్న దృష్ట్యా ఆ నీటి సద్వినియోగానికే ప్రాజెక్టుల నిర్మాణమని సభాపతి స్పష్టం చేశారు.
రైతాంగానికి 24 గంటల కరెంటు ఇస్తున్న ఘనత కేసీఆర్ సర్కారుకే దక్కిందని చెప్పారు. ఈ ఏడాది బడ్జెట్లో సంక్షేమంతోపాటు వ్యవసాయం, నీటి పారుదల రంగాలకే అధిక ప్రాధాన్యం కల్పించినట్లు పోచారం పేర్కొన్నారు. కాళేశ్వరం ప్రాజెక్టుకు 85 వేల కోట్ల రూపాయలు కేటాయించి... తక్కువ సమయంలోనే నిర్మాణం చేయడం గొప్ప విషయమన్నారు. ఎండనకా, వాననకా కాళేశ్వరం ప్రాజెక్టు నిర్మాణానికి కృషి చేసిన ఇంజినీర్లకు సభాపతి వందనాలు చెప్పారు.