KCR KITS: 'కేసీఆర్​ కిట్లు, ఆర్థిక సాయంతో.. ప్రసూతి మరణాలు తగ్గాయి'

KTR tweet on KCR KITS: కేసీఆర్‌ కిట్లు మహిళలకు ఎంతగానో ఉపయోగపడుతున్నాయని మంత్రి కేటీఆర్‌ హర్షం వ్యక్తం చేశారు. ఇప్పటివరకు 13 లక్షల 30 వేల కిట్లు పంపిణీ చేయడం గర్వంగా ఉందంటూ ట్వీట్​ చేశారు.

KTR tweet on KCR KITS: ముఖ్యమంత్రి కేసీఆర్​ ప్రవేశపెట్టిన "కేసీఆర్ కిట్స్‌" మహిళలకు ఎంతగానో ఉపయోగపడుతున్నాయని మంత్రి కేటీఆర్​ పేర్కొన్నారు. కేసీఆర్​ కిట్ల పంపిణీ 13 లక్షల 30 వేలకు చేరినందుకు గర్వంగా ఉందని కేటీఆర్​ ట్విట్టర్‌ వేదికగా హర్షం వ్యక్తం చేశారు.

తల్లీబిడ్డలకు ఉపయోగపడే విధంగా 16 వస్తువులతో కిట్లు అందిస్తున్నామని కేటీఆర్​ అన్నారు. ఆడపిల్ల పుడితే రూ.13 వేలు.. అబ్బాయి పుడితే రూ. 12వేలు అందిస్తున్నామన్నారు. ప్రసూతి అనంతరం తల్లీబిడ్డలను ఇంటికి చేర్చేందుకు అమ్మ ఒడి పథకం కింద 300 వాహనాలను అందుబాటులో ఉంచామని కేటీఆర్​ వివరించారు.

2014 నుంచి 2012 వరకు ప్రభుత్వాస్పత్రుల్లో డెలివరీలు 22 శాతం పెరిగాయని.. దేశంలో ఇదే అత్యధికమని కేటీఆర్​ ట్వీట్​ చేశారు. ప్రసూతి మరణాల రేటు 92 నుంచి 63 శాతానికికి తగ్గిందన్నారు. శిశు మరణాల రేటు 39 నుంచి 23 కి తగ్గిందని వెల్లడించారు. సీఎం కేసీఆర్ నాయకత్వంలో మహిళల సంక్షేమం, భద్రత, సాధికారత విషయంలో తెలంగాణ అగ్రగామిగా ఉందని స్పష్టం చేశారు.

ఇదీ చదవండి:ఇద్దరు సాఫ్ట్​వేర్​ మిత్రుల వినూత్న ఆలోచన.. రెస్టారెంట్​గా ముస్తాబైన లారీ..