పలు రంగాలకు చెందిన విలువైన సమాచారాన్ని ఒకే చోట పొందేందుకు.. ఇండియన్ స్కూల్ ఆఫ్ బిజినెస్.. హై ఫ్రీక్వెన్సీ ఇండికేటర్ను గురువారం ఆవిష్కరించింది. జంప్ స్టార్ట్ ఇండియా భాగస్వామ్యంతో ఐఎస్బీ నెలకొల్పిన ఈ సూచికల ద్వారా ఎకానమీ రికవరీ అంశాలను మరింత మెరుగ్గా అర్థం చేసుకునేందుకు దోహదపడతాయి.
పలు రంగాలు, విభాగాలకు సంబంధించి ప్రజా బాహుల్యంలో అందుబాటులో ఉన్న సమాచారాన్ని www.indiadataportal.com/jsi వెబ్పోర్టల్ ద్వారా పొందవచ్చని ఐఎస్బీ ప్రకటించింది. రియల్ టైం డాటాను రోజువారీ, నెలవారీ ఈ వెబ్పోర్టల్లో ఎప్పటికప్పుడు అప్డేట్ చేస్తామని వివరించారు. దేశవ్యాప్తంగా ప్రాంతం, కాలం ఆధారంగా సమాచారాన్ని సరిపోల్చుకోవచ్చని ఐఎస్బీ తెలిపింది.