నుమాయిష్ పేరిట నకిలీ వైబ్​సైట్లు

ఈ మధ్య కాలంలో నకిలీ వెబ్ సైట్లు, నకిలీ ముఠాలు ఎక్కువైపోతున్నారు. ఈ సైబర్ దొంగలు ఎగ్జిబిషన్​ను కూడా వదలడం లేదు. తాజాగా నుమాయిష్​పై కొందరు గుర్తుతెలియని వ్యక్తులు నకిలీ వైబ్​సైట్లతో ఎగ్జిబిషన్​పై వ్యతిరేక ప్రచారం నిర్వహిస్తున్నట్లు నిర్వాహకులు తెలిపారు.

హైదరాబాద్ ఎగ్జిబిషన్‌ సొసైటీ (నుమాయిష్‌) పేరిట కొందరు గుర్తు తెలియని వ్యక్తులు నకిలీ వైబ్​సైట్లను తయారు చేసి వ్యతిరేక ప్రచారం చేస్తున్నారు. నుమాయిష్‌ హెచ్‌టీఎంఎల్‌, నుమాయిష్‌ ఆన్‌లైన్‌ డాట్‌కాం పేర్లతో రెండు నకిలీ వెబ్‌సైట్లు చలామణీ అవుతున్నట్లు నిర్వాహకులు తెలిపారు. ఎగ్జిబిషన్‌ సొసైటీ డాట్‌కాం... పేరిట అధికారిక వెబ్‌సైట్​ను నిర్వహిస్తున్నట్లు వెల్లడించారు.

దీనిలో రోజువారీ కార్యక్రమాలు, ప్రత్యేక కార్యక్రమాల వివరాలు ఉంటాయని పేర్కొన్నారు. అసలు వెబ్‌సైట్‌ను పోలిన విధంగా ఉండటం వల్ల నుమాయిష్‌లో ఏం జరుగుతుందో తెలుసుకునేందుకు నెటిజన్లు నుమాయిష్‌ పేరుతో అంతర్జాలంలో శోధించగానే ఈ రెండు నకిలీ వెబ్‌సైట్లు వస్తున్నట్లు వెల్లడించారు. విషయం తెలుసుకున్న ఎగ్జిబిషన్‌ సొసైటీ నిర్వాహకులు పోలీసులకు ఫిర్యాదు చేశారు. ఈ మేరకు సైబర్‌ క్రైం పోలీసులు కేసు నమోదు చేసి దర్యాప్తు చేపట్టారు.

ఇవీ చూడండి: ఎన్నికల కమిషనర్ నాగిరెడ్డి​తో భాజపా బృందం భేటీ