ఆదుకుంటున్న అడ్డగుట్ట వెల్ఫేర్​ అసోసియేషన్​

లాక్​డౌన్ నేపథ్యంలో నిత్యావసర సరుకుల కోసం నిరుపేదలకు సాయం చేసేందుకు అడ్డగుట్ట వెల్ఫేర్ అసోసియేషన్ ముందుకొచ్చింది. ఆసియాలోనే అతిపెద్ద మురికివాడగా పేరొందిన అడ్డగుట్ట ప్రాంతంలో 800 మందికి కూరగాయల పంపిణీ చేసింది.

లాక్​డౌన్​ కారణంగా జీవనోపాధి కోల్పోయి తీవ్ర ఇబ్బందులు పడుతున్న ప్రజలకు అడ్డగుట్ట వెల్ఫేర్​ అసోసియేషన్​ ఆధ్వర్యంలో సహాయ కార్యక్రమాలు చేపడుతున్నారు. సికింద్రాబాద్ అడ్డగుట్టలో అడ్డగుట్ట వెల్ఫేర్ క్లబ్ ఆధ్వర్యంలో సుమారు 800 మందికి కూరగాయాలు పంపిణీ చేశారు. కార్యక్రమంలో మారేడుపల్లి ఎమ్మార్వో సునీల్​ పాల్గొన్నారు.

వైరస్ వ్యాప్తిని అరికట్టేందుకు సామాజిక దూరాన్ని పాటించాలని ప్రజలకు సూచించారు. ప్రస్తుత క్లిష్ట పరిస్థితిలో ఎవరికి వారు తమవంతుగా పేదలకు సహాయం చేయాలని ఎమ్మార్వో సునీల్​ విజ్ఞప్తి చేశారు.

ఇదీ చూడండి:25 సెకన్లలో శరీరంపై ఉన్న క్రిములన్నీ కడిగేస్తుంది!