అపార్ట్మెంట్ నిర్మాణానికి సంబంధించి మనోజ్ కుమార్ అనే కాంట్రాక్టర్ తన పాత పరిచయంతో రెండు రోజుల క్రితమే దేవేందర్ నిషాద్ను పనినిమిత్తం పిలిపించుకున్నారు. గత రాత్రి మద్యం సేవించిన నిషాద్ ఫోన్ మాట్లాడుతూ నిర్మాణంలో ఉన్న భవనం మూడో అంతస్థు నుంచి ప్రమాదవశాత్తు జారి పడ్డాడు.
తాగిన మైకంలో నిషాద్ లిఫ్ట్ గుంతలో పడి మరణించినట్లుగా స్థానికులు పేర్కొన్నారు. ఈ ఘటన హైదరాబాద్ అంబర్పేటలోని బూర్జుగల్లిలో చోటుచేసుకుంది.
ప్రమాదవశాత్తు లిఫ్ట్ గుంతలో పడి వ్యక్తి మృతి
హైదరాబాద్ అంబర్పేటలోని బూర్జుగల్లిలో నిర్మాణంలో ఉన్న భవనం నుంచి ప్రమాదవశాత్తు వ్యక్తి జారి పడి మరణించాడు. మహారాష్ట్రకు చెందిన దేవేందర్ నిషాద్ మద్యం మత్తులో మూడో అంతస్థు నుంచి లిఫ్ట్ గుంతలో పడి మృతిచెందాడు.
తాగిన మైకంలోనే ప్రమాదవశాత్తు జారి పడి మరణించాడు : స్థానికులు
ఉదయం ఆరు గంటల సమయంలో జగదీష్ అనే వ్యక్తి గమనించి దేవేందర్ నిషాద్ కోసం గాలించారు. అప్పటికే దేవేందర్ నిషాద్ గుంతలో పడి మృతి చెందాడు. వెంటనే అపార్ట్మెంట్ యాజమానికి, పోలీసులకు సమాచారం అందించారు. స్పందించిన పోలీసులు కేసు నమోదు చేసుకుని దర్యాప్తు చేస్తున్నారు.
తాగిన మైకంలో మూడో అంతస్థు నుంచి లిఫ్ట్ గుంతలో పడి వ్యక్తి మృతి
ఇవీ చూడండి : పీఎస్ నుంచి తప్పించుకుని దొరికిపోయాడు