ఇటీవల ఇజ్రాయేల్లోని హైఫాలో... బ్రెజిల్ - ఇజ్రాయేల్ జట్ల మధ్య స్నేహపూర్వక ఫుట్బాల్ మ్యాచ్ జరిగింది. ఇందులో బ్రెజిల్ జట్టు 4-2తేడాతో విజయం సాధించింది. అయితే మైదానంలో బ్రెజిల్ స్టార్ కాకాతో మహిళా రిఫరీ సెల్ఫీ దిగడం వీక్షకులను ఆశ్చర్యపరిచింది.
కార్డుతో పొమ్మని, సెల్ఫీకి రమ్మని పిలిచిన రిఫరీ - brazil,ronaldo, football
ఫుట్బాల్ క్రీడలో ఆటగాళ్లతో పాటు రిఫరీలు కూడా ప్రధానపాత్ర పోషిస్తారు. క్రీడాకారులు నియమాలు ఉల్లంఘించకుండా చూస్తూ.. వారితో పాటే మైదానంలో పరుగులు పెడుతుంటారు. ఎవరైనా తప్పిదాలు చేస్తే హెచ్చరించి... హద్దు మీరితే పసుపు, ఎరుపు రంగు కార్డులు చూపించి శిక్షిస్తారు. తాజాగా ఓ మ్యాచ్లో హాస్యభరిత సన్నివేశం చోటు చేసుకుంది.
అధికారం, అభిమానం ఒకేసారి ప్రదర్శించిన రిఫరీ
ఆటలో భాగంగా స్టార్ ప్లేయర్ కాకాకు పసుపు రంగు కార్డు చూపించింది రిఫరీ లిలాచ్‌ అసులిన్‌. అనంతరం తన ఫోన్ తీసి కాకాతో సెల్ఫీ దిగింది. ఈ సంఘటనకు తోటి ఆటగాళ్లతో పాటు వీక్షకులూ ఆశ్చర్యపోయారు. నెటిజన్లు మాత్రం రిఫరీ చిన్నపిల్లలా, సరదాగా ప్రవర్తించిందని కామెంట్లు పెడుతున్నారు. మరికొందరు ఆమె ధైర్యాన్ని ప్రశంసిస్తున్నారు.