Venkatesh Iyer: 'టీమ్​ఇండియాకు ఆడాలంటే అది తప్పనిసరి'

భారత జట్టును కొంతకాలంగా ఆల్​రౌండర్ల కొరత వేధిస్తోంది. బంతితో, బ్యాట్​తోనూ హార్దిక్​ పాండ్య విఫలమవుతున్న వేళ మరో ప్రత్యామ్నాయం కోసం అన్వేషిస్తున్న జట్టుకు లభించాడు యువ సంచలనం వెంకటేశ్ అయ్యర్ (Venkatesh Iyer News). క్రికెట్​లోని రెండు అంశాలపై (బ్యాటింగ్, బౌలింగ్) దృష్టి పెడుతూ, అన్ని ఫార్మాట్లలోనూ రాణించేందుకు కృషి చేస్తున్నట్లు చెప్పాడు అయ్యర్.

ఆల్​రౌండర్​ల కొరత తీర్చేందుకు టీమ్​ఇండియాలోకి కొత్తగా ప్రవేశించాడు వెంకటేశ్ అయ్యర్ (Venkatesh Iyer News). జట్టులో దీర్ఘకాలం కొనసాగేందుకు బ్యాటు, బంతి.. రెండింటిపై దృష్టి సారించాలని తనకు బాగా తెలుసని అంటున్నారు ఈ 26 ఏళ్ల మధ్యప్రదేశ్ కుర్రాడు. స్వదేశంలో న్యూజిలాండ్​తో (New Zealand Tour of India) జరిగే టీ20 సిరీస్​ కోసం అతడికి జాతీయ జట్టు నుంచి పిలుపు వచ్చింది. ఈ నేపథ్యంలో అయ్యర్​ చెప్పిన విశేషాలు..

"కొన్నాళ్లుగా పనిభారాన్ని బాగా నిర్వహిస్తున్నాను. నేను ఆల్​రౌండర్. కాబట్టి బౌలింగ్, బ్యాటింగ్​.. రెండింటిపై సమానంగా దృష్టి పెట్టాలి. రాష్ట్రస్థాయి నుంచి అదే చేస్తున్నా. టీమ్​ఇండియాకు ఆడాలంటే.. అన్ని ఫార్మాట్లలోనూ నిలకడగా రాణించాలి. అందుకే ఎర్రబంతి (టెస్టు) ఫార్మాట్​లోనూ బాగా కష్టపడుతూ ఉంటాను"

-వెంకటేశ్ అయ్యర్, టీమ్​ఇండియా క్రికెటర్

ఐపీఎల్​లో (Venkatesh Iyer IPL) కోల్​కతా నైట్​రైడర్స్​ తరఫున అత్యుత్తమ ప్రదర్శనతో దేశవ్యాప్తంగా అయ్యర్​కు మంచి గుర్తింపు లభించింది. ఈ సీజన్​లో 370 పరుగులు (Venkatesh Iyer IPL Runs) చేయడమే కాక మీడియం పేస్​తో 3 వికెట్లు కూడా పడగొట్టాడు. రంజీల్లో మధ్యప్రదేశ్ తరపున 6 అర్ధ శతకాలు, 7 వికెట్లు తన ఖాతాలో ఉన్నాయి. ఐపీఎల్​ సహా దేశవాళీల్లోనూ నిలకడగా రాణించడం వల్లే ఇంతదూరం రాగలిగినట్లు అయ్యర్ చెప్పాడు.

వెంకటేశ్ అయ్యర్

ప్రశ్న: యూఏఈలో ఐపీఎల్​ ఆడుతున్నప్పుడే టీమ్​ఇండియాలో అవకాశం వస్తుందని తెలిసిపోయిందా?

అయ్యర్:దేశానికి ప్రాతినిధ్యం (Venkatesh Iyer Team India) వహిస్తానని ఐపీఎల్​లో మాత్రమే కాదు.. రంజీ, విజయ్ హజారే ట్రోఫీ, మధ్యప్రదేశ్ తరఫున సయ్యద్ ముస్తాక్ అలీ ఆడేటప్పుడు కూడా నాకు తెలుసు. దేశావాళీల్లో మంచి ప్రదర్శన చేస్తూ ఉంటే ఒక రోజు భారత్​కు ఆడతాననే నమ్మకం ఉండేది.

ప్రశ్న: ఇప్పుడు మీ ప్లాన్స్​ ఏంటి?

ప్రస్తుతానికి ఎలాంటి ప్లాన్​లు లేవు. నాకు వచ్చిన అవకాశాన్ని 100 శాతం కృషితో సద్వినియోగం చేసుకోవడమే. టీమ్​ఇండియాకు విజయాలు అందించడానికి కృషి చేస్తా. ఎందుకంటే భారత్​కు ఆడటం కన్నా గొప్ప గౌరవం ఏముంటుంది.

వెంకటేశ్ అయ్యర్

బాగా చదివితే లాభమే..!

ఇండోర్​లో నివసించే (Venkatesh Iyer Native Place) సమయంలో కోచ్ దినేశ్ శర్మ.. అయ్యర్​ ప్రతిభను గుర్తించి సానబెట్టారు. అనంతరం రాష్ట్ర స్థాయిలో ఎదుగుతూ.. అండర్-23 జట్టుకు సారథ్యం వహించాడు. ఫైనాన్స్​లో ఎంబీఏ డిగ్రీ (Venkatesh Iyer Qualification) కూడా ఉన్న అయ్యర్​కు డెలాయిట్​ నుంచి ఉద్యోగ అవకాశం కూడా లభించిందట. అయితే తల్లిదండ్రుల ప్రోత్సాహంతో క్రికెట్​నే కెరీర్​గా ఎంచుకున్నాడు.

చిన్ననాటి అయ్యర్

"ఇంత త్వరగా జీవితం.. అందమైన మలుపు తీసుకుంటుందని ఊహించలేదు. చాలా చాలా సంతోషంగా ఉంది. నా కల ఇంత త్వరగా నెరవేరుతుందని అనుకోలేదు. చదువుల్లో రాణిస్తే.. అది మన ఆలోచన, నిర్ణయాలు తీసుకునే సామర్థ్యాన్ని పెంపొందిస్తుంది. మిగిలిన వారితో పోలిస్తే మనకు కొంతవరకు మేలు చేస్తుంది. మంచి విద్యార్థిగా ఉండటం నాకు సహజంగానే అలవడింది."

-వెంకటేశ్ అయ్యర్, టీమ్​ఇండియా క్రికెటర్

ఐపీఎల్​ (IPL 2021) తరహాలో కివీస్​ సిరీస్​లోనూ రాణిస్తే టీమ్​ఇండియాలో అయ్యర్​ (Venkatesh Iyer Latest News) దీర్ఘకాలంలో కొనసాగడం సహా కెప్టెన్ రోహిత్​ శర్మకు కీలక అస్త్రం లభించే అవకాశం ఉంది.

ఇవీ చూడండి: