టీమిండియా ఓపెనర్ రోహిత్శర్మ మాంచెస్టర్ వేదికగా పాకిస్థాన్తో జరిగిన మ్యాచ్లో అరుదైన ఘనత సాధించాడు. ఈ గేమ్లో 3 సిక్సులు బాదిన హిట్మ్యాన్ ధోనీ పేరిట ఉన్న సిక్సర్ల రికార్డును అధిగమించాడు. అంతర్జాతీయ క్రికెట్‌లోని అన్ని ఫార్మాట్లలో కలిపి భారత్‌ తరఫున అత్యధిక సిక్స్లు కొట్టిన క్రికెటర్‌గా ధోని (355) పేరిట రికార్డు ఉండేది. తాజాగా పాక్‌తో మ్యాచ్లో 3 సిక్స్లు కొట్టిన హిట్మ్యాన్ (358) మహీ రికార్డును అధిగమించాడు.
హిట్ మ్యాన్ ఖాతాలో సిక్సర్ల రికార్డు
ప్రపంచకప్‌లో భాగంగా పాకిస్థాన్తో మ్యాచ్లో రోహిత్ శర్మ 140 పరుగులతో చెలరేగి భారత ఇన్నింగ్స్‌లో కీలకపాత్ర పోషించాడు. ఆరంభం నుంచే పాక్‌ బౌలర్లను ధాటిగా ఎదుర్కొంటూ భారత్‌ స్కోరు బోర్డును పరుగులు పెట్టించాడు. అయితే ఈ మ్యాచ్లో హిట్మ్యాన్ మరో రికార్డు తన ఖాతాలో వేసుకున్నాడు.
హిట్ మ్యాన్ ఖాతాలో సిక్సర్ల రికార్డు
సిక్సర్ల వీరుల జాబితాలో భారత బ్యాట్స్మెన్లు సచిన్‌ తెందుల్కర్‌ (264), యువరాజ్‌ సింగ్‌ (251), సౌరవ్‌ గంగూలీ (247), వీరేంద్ర సెహ్వాగ్‌ (243) తర్వాతి స్థానాల్లో ఉన్నారు.
ఈ మ్యాచ్లోనే కెరీర్ 24వ శతకం అందుకున్నాడు రోహిత్. ప్రపంచకప్‌లో రోహిత్కు ఇది మూడో శతకం. మొదటిది 2015 ప్రపంచకప్‌లో బంగ్లాదేశ్‌పై సాధించగా, మిగతా రెండు శతకాలు (దక్షిణాఫ్రికా, పాకిస్థాన్‌పై) ఈ ప్రపంచకప్‌లోనే అందుకున్నాడు.