విరుష్క జోడీ.. 'అల మంచు కొండల్లో'

భారత క్రికెట్ జట్టు కెప్టెన్ విరాట్ కోహ్లీ.. భార్య అనుష్క శర్మతో కలిసి విహారయాత్రలో ఉన్నాడు. ఆ ఫొటోలను సోషల్ మీడియాలో పంచుకున్నాడు.

టీమిండియా కెప్టెన్ విరాట్ కోహ్లీ.. ఈ ఏడాది కెప్టెన్​గా, బ్యాట్స్​మన్​గా పలు రికార్డులు తన పేరిట నమోదు చేశాడు. కొత్త ఏడాదిలోనూ అదే ఊపు కొనసాగించేందుకు సిద్ధమవుతున్నాడు. త్వరలో శ్రీలంకతో టీ20 సిరీస్​ ఆడనుంది భారత్. ఈ మధ్యన దొరికిన విరామంలో సరదాగా గడుపుతున్నాడు కోహ్లీ. భార్య అనుష్క శర్మతో కలిసి మంచు కొండల్లో విహరిస్తున్నాడు. ఆ ప్రదేశం ఎక్కడో తెలియనప్పటికీ ఆ ఫొటోలను ట్విట్టర్​లో పంచుకున్నాడు.

మంచుకొండల్లో విరాట్ కోహ్లీ-అనుష్క శర్మ

విరుష్క జోడీ.. ఇటీవలే తమ రెండో వివాహ వార్షికోత్సవాన్ని భూటాన్​లో జరుపుకున్నారు. అప్పుడూ అభిమానులతో ఫొటోలు పంచుకున్నారు.

స్వదేశంలో జనవరి 5 నుంచి శ్రీలంకతో మూడు టీ20ల సిరీస్​ ఆడనుంది టీమిండియా. అనంతరం ఆస్ట్రేలియాతో మూడు వన్డేల సిరీస్​లో తలపడనుంది. తర్వాత న్యూజిలాండ్ పర్యటనకు వెళ్లనుంది. ఇందులో భాగంగా ఐదు టీ20లు, మూడు వన్డేలు, రెండు టెస్టులు ఆడనుంది. జనవరి 24న మొదలై మార్చి 4తో కోహ్లీసేన పర్యటన ముగుస్తుంది.

ఇది చదవండి: అమ్మాయిని ఇబ్బందిపెట్టిన కుల్దీప్​ యాదవ్​!