టీమ్ఇండియాను అనుమానించిన వాళ్లందరూ ఒకసారి లేచి జట్టు సామర్థ్యాన్ని చూడాలని అన్నాడు సారథి విరాట్ కోహ్లీ. గబ్బాలో ఆస్ట్రేలియాపై చారిత్రక విజయాన్ని అందించిన క్రికెటర్లకు అభినందనలు తెలియజేశాడు.
"అద్భుతమైన గెలుపు!!! సాధించాం. అడిలైడ్ ఓటమి తర్వాత మమ్మల్ని శంకించిన వారందరూ ఒకసారి లేచి చూడండి. అత్యుత్తమ ప్రదర్శన చేశారు. మీరు చూపిన ఆత్మస్థైర్యం, ధృడ సంకల్పం వేరే స్థాయిలో ఉన్నాయి. క్రికెటర్లు, యాజమాన్యానికి అభినందనలు. ఈ చారిత్రక గెలుపును ఆస్వాదించండి. చీర్స్"
-విరాట్ కోహ్లీ, భారత కెప్టెన్
బోర్డర్ గావస్కర్ ట్రోఫీ నాలుగు టెస్టుల సిరీస్లో తొలి మ్యాచ్ అవ్వగానే భారత్కు తిరిగొచ్చాడు కోహ్లీ. ఆ సమయంలో ప్రసవానికి దగ్గర్లో ఉన్న భార్య అనుష్క శర్మకు తోడుగా ఉండాలని నిర్ణయించుకున్నాడు. జనవరి 11న వారికి కూతురు జన్మించింది.
అడిలైడ్లో జరిగిన తొలి టెస్టులో 36 పరుగులకు ఆలౌటైన టీమ్ఇండియా.. వైట్వాష్తో తిరిగెళ్తుందని తీవ్ర విమర్శలు వచ్చాయి. వాటన్నింటినీ తప్పని నిరూపిస్తూ మెల్బోర్న్ టెస్టులో జయకేతనం ఎగవేసింది భారత్. ఆ తర్వాత స్ఫూర్తిమంతమైన పోరాటంతో సిడ్నీ టెస్టును డ్రాగా ముగించింది.
ఇదీ చూడండి:గబ్బాలో 'యువ'గర్జన- టీమ్ఇండియాకు ప్రశంసల వెల్లువ