ఆక్లాండ్ వేదికగా న్యూజిలాండ్తో జరిగిన తొలి టీ20లో టీమిండియా అద్భుత విజయాన్ని సాధించింది. యువ బ్యాట్స్మన్ శ్రేయస్ అయ్యర్ అర్ధశతకం చేసి, జట్టు విజయంలో కీలక పాత్ర పోషించాడు. ఇప్పుడు ఇతడిపై ప్రశంసల వర్షం కురుస్తోంది. టీమిండియా ఓపెనర్ కేఎల్ రాహుల్.. అయ్యర్ ఆటతీరుపై ఆసక్తికర వ్యాఖ్యలు చేశాడు.
"ఇది చాలా మంచి పరిణామం. ప్రతి ఆటగాడు గెలుపు కోసం కృషి చేశాడు. ముఖ్యంగా శ్రేయస్ బ్యాటింగ్ నన్ను ఎంతగానో ఆకట్టుకుంది. అర్ధసెంచరీ చేసిన తర్వాత కూడాఅతడు ప్రశాంతంగా ఉన్నాడు. జట్టు విజయం సాధించిన తర్వాత సెలబ్రేషన్స్‌ చేసుకోవడం అభినందనీయం. ఐపీఎల్‌లో ఓ జట్టు సారథిగా అతడు పరిస్థితులను అర్థం చేసుకుని మ్యాచ్‌లను ముగిస్తున్నాడు" -కేఎల్ రాహుల్, టీమిండియా క్రికెటర్