ఇంగ్లాండ్ స్టార్ ఆల్రౌండర్ బెన్ స్టోక్స్.. ఓ అభిమానికి క్షమాపణ చెప్పాడు. దక్షిణాఫ్రికాతో నాలుగో టెస్టులో స్టోక్స్ ఔటై, డగౌట్కు వస్తున్న క్రమంలో అతడిని విమర్శించాడు ఓ అభిమాని. బదులుగా అతడిపై స్టోక్స్ దుర్భాషలాడాడు. ఇవన్నీ మైక్లో రికార్డు అయ్యాయి. వెంటనే ఈ వీడియోలు సోషల్ మీడియాలో వైరల్గా మారాయి. తాజాగా ఈ విషయంపై స్పందించిన స్టోక్స్.. ఆ అభిమానికి క్షమాపణలు చెప్పాడు.
"నేను చేసిన వ్యాఖ్యల పట్ల క్షమాపణ చెబుతున్నా. అలా అనకుండా ఉండాల్సింది. నా చర్య క్రీడాస్ఫూర్తికి విరుద్ధంగా ఉంది."
-స్టోక్స్, ఇంగ్లాండ్ క్రికెటర్
ఏం జరిగింది?
దక్షిణాఫ్రికాతో జరుగుతోన్న నాలుగో టెస్టు తొలి రోజు స్టోక్స్.. రెండు పరుగుల వ్యక్తిగత స్కోరు వద్ద ఔటయ్యాడు. అనంతరం పెవిలియన్కు వెళుతున్న సమయంలో ఓ అభిమాని స్టోక్స్ను విమర్శించాడు. పాప్ స్టార్ ఎడ్ షరీన్తో పోలుస్తూ వ్యాఖ్యలు చేశాడు. దీనికి స్టోక్స్ ఆ అభిమానిపై మండిపడ్డాడు. దుర్భాషలాడాడు.
ఇవీ చూడండి.. 'కోహ్లీ, రోహిత్లను చూసి నేర్చుకున్నా'
