లాక్డౌన్ వల్ల ఇంట్లోనే ఉన్న టీమ్ఇండియా మాజీ కెప్టెన్ ధోనీ.. నిద్రలో పబ్జీ గురించి కలవరిస్తున్నాడని చెప్పింది అతడి భార్య సాక్షి సింగ్. చెన్నై సూపర్కింగ్స్తో తాజాగా జరిగిన ఇన్స్టాలో లైవ్లో మాట్లాడుతూ ఈ సంగతి వెల్లడించింది. దీనితో పాటే మహీ గురించి చాలా విషయాలు చెప్పింది.
"మహీ ఎప్పుడూ ఏదో ఒకటి ఆలోచిస్తూనే ఉంటాడు. అతడు మెదడుకు విశ్రాంతి లేదు. పబ్జీ ఆడినప్పుడు, దీని నుంచి అతడి మనసు మళ్లుతుంది. అయితే ఈ మధ్య కాలంలో బెడ్పై కూడా ధోనీ ఆ గేమ్ గురించే ఆలోచిస్తున్నాడు. నిద్రలోనూ పబ్జీని కలవరిస్తున్నాడు" -సాక్షి సింగ్, ధోనీ భార్య
అలానే లాక్డౌన్ సమయాన్ని ధోనీ, తన దగ్గరున్న బైక్లతో గడుపుతున్నాడని సాక్షి చెప్పింది.
"మహీకి మొత్తం 9బైక్‌లు ఉన్నాయి. వాటికి సంబంధించిన కొత్త విడిభాగాలను కొని, వాటిని అమరుస్తున్నాడు. ఓ బైక్‌ను మొత్తంగా అమర్చాక.. ఓ విడిభాగం మరిచిపోయానని గుర్తించాడు. ఆ తర్వాతి రోజు మళ్లీ మొత్తం బైక్ భాగాలను విడదీసి మళ్లీ అమర్చాడు" -సాక్షి సింగ్, ధోనీ భార్య
38 ఏళ్ల ధోనీ చివరగా, గతేడాది జరిగిన వన్డే ప్రపంచకప్లో కనిపించాడు. ఆ తర్వాత ఆటకు తాత్కాలిక విరామం ప్రకటించాడు. అప్పటి నుంచి మైదానంలో దిగకపోవడం వల్ల అతడి రిటైర్మెంట్పైనా పలు వార్తలు వస్తున్నాయి. జాతీయ కాంట్రాక్ట్ నుంచి మహీ పేరు తొలగించడం వీటికి బలం చేకూర్చింది.
టీమ్ఇండియా మాజీ కెప్టెన్ ధోనీ
అయితే ఈ ఏడాది ఐపీఎల్లో చెన్నై సూపర్కింగ్స్ కెప్టెన్గా సత్తాచాటి టీమ్ఇండియాలోకి రావాలని అనుకున్నాడు. కానీ ఉపద్రవంలా వచ్చిన కరోనా ఆ ఆశల్ని తుడిచిపెట్టేసింది. ఈ ప్రాణాంతక మహమ్మారి కారణంగా టోర్నీని నిరవధిక వాయిదా వేశారు. ఈ కారణం వల్ల ధోనీతో సహ ఇతర క్రికెటర్లు ఇంటికే పరిమితం కావాల్సి వచ్చింది.
