శ్రీలంక ప్రస్తుత టీ20 కెప్టెన్, సీనియర్ బౌలర్ లసిత్ మలింగ.. సారథ్య బాధ్యతల నుంచి వైదొలగనున్నాడు. ఈ విషయమై ఆదివారం మాట్లాడుతూ ఎప్పుడైనా తాను తప్పుకునేందుకు సిద్ధంగా ఉన్నానన్నాడు. భారత్పై ఇటీవలే టీ20 సిరీస్ ఓడిపోవడమే ఈ వ్యాఖ్యలకు కారణం. ఈ సిరీస్లోని రెండు మ్యాచ్ల్లో కనీసం ఒక్క వికెటైనా తీయని కారణంగా మలింగపై విమర్శలు వచ్చాయి. ఈ విషయంపైనా మాట్లాడాడీ బౌలర్.
కెప్టెన్సీ నుంచి తప్పుకోనున్న మలింగ
భారత్ చేతిలో టీ20 సిరీస్ ఓడిపోవడం వల్ల సారథ్య బాధ్యతల నుంచి తప్పుకునేందుకు సిద్ధంగా ఉన్నానని లసిత్ మలింగ ప్రకటించాడు. ఈ సిరీస్ను 2-0 తేడాతో కోల్పోయింది లంక.
కెప్టెన్సీ నుంచి తప్పుకోనున్న మలింగ
"ఈ సిరీస్లో నేను కనీసం ఒక్క వికెట్ కూడా తీయలేకపోయాను. టీ20ల్లో ఎంతో అనుభవమున్న బౌలర్ను అయినప్పటికీ ప్రత్యర్థి బ్యాట్స్మెన్ను ఔట్ చేయలేకపోయాను. మేం మ్యాచ్ గెలవాలంటే తొలి ఆరు ఓవర్లలో వికెట్లు తీయాలి. ఇక్కడ అది జరగలేదు. అందుకే సిరీస్ను 2-0 తేడాతో కోల్పోయాం" -మలింగ, శ్రీలంక టీ20 కెప్టెన్
శ్రీలంక 2014లో టీ20 ప్రపంచకప్ గెలిచినప్పుడు మలింగనే కెప్టెన్. ఆ తర్వాత 2016 వరకు ఆ బాధ్యతలు నిర్వర్తించాడు. మళ్లీ 2018 డిసెంబరులో సారథిగా మారి, ప్రస్తుతం జట్టును నడిపిస్తున్నాడు. ఇప్పటివరకు కెప్టెన్గా 22 మ్యాచ్లు ఆడగా, 8 గెలిచి.. 14 ఓడిపోయాడు.