ప్రత్యర్థి ముందు భారీ లక్ష్యం ఉంచినా ఓడిపోతే...దానికి డీఆర్ఎస్ వంటి సాంకేతికత ఓ కారణమైతే...అది చాలా పెద్ద విషయమే. అందుకే కోహ్లీ తన అసంతృప్తిని వెల్లడించాడు. ఫలితంగా సమీక్ష విధానంపై వెల్లువెత్తిన అనుమానాలపై మళ్లీ చర్చ జరుగుతోంది.
- వివాదమేంటి...??
నాలుగో వన్డేలో టీమిండియా ఓటమికి ప్రధాన కారణం టర్నర్ ఉతుకుడే.. ఈ ఆసిస్ ఆటగాడు 27 బంతుల్లో 38 పరుగులు చేసి ప్రమాదకరంగా మారుతున్నప్పుడు...చాహల్‌ బౌలింగ్‌లో మొదట స్టంపౌట్‌ నుంచి తప్పించుకున్నాడు. రిషబ్‌పంత్‌ బంతిని అందుకోలేకపోవడంతో ఔటయ్యే ఛాన్స్ తప్పించుకున్నాడు. అదే ఓవర్‌లో టర్నర్ తరవాత బంతికి కీపర్‌కు క్యాచ్‌ ఇచ్చాడు. అంపైర్ నాటౌట్ ఇవ్వడంతో సమీక్ష కోరిన టీమిండియా రీప్లేలో బంతి బ్యాట్‌కు తగిలినట్లు కనిపించింది. అయినా మూడో అంపైర్ ఔటివ్వకపోవడంతో టీమిండియా కెప్టెన్ విరాట్‌కోహ్లీ తీవ్ర అసంతృప్తికి గురయ్యాడు. ఈ ఘటన తర్వాతే టర్నర్ రెచ్చిపోయి 16 బంతుల్లో 46 పరుగులు బాది ఆసీస్‌ జట్టును టైటిల్ పోరులో నిలిపాడు.