గాయమైంది.. అరంగేట్రం చేజారింది

భారత్​తో జరగబోయే టెస్టుల కోసం ఎంపికైన దక్షిణాఫ్రికా వికెట్​కీపర్ రూడీ సెకండ్ గాయం కారణంగా ఈ సిరీస్​కు దూరమయ్యాడు. ఇతడి స్థానంలో హెన్రిచ్ క్లాసన్​కు అవకాశం లభించింది.

రూడీ సెకండ్​.. దక్షిణాఫ్రికా వికెట్ కీపర్​, బ్యాట్స్​మెన్​. ఇప్పటి వరకు టెస్టు అరంగేట్రం చేయని ఈ ఆటగాడికి భారత్​తో సిరీస్​ కారణంగా ఆ అదృష్టం దక్కింది. ప్చ్​.. ఏం చేస్తాం.. ఆ అవకాశం కాస్త గాయం కారణంగా నీరుగారిపోయింది.

ఆగస్టు 13న ప్రకటించిన దక్షిణాఫ్రికా టెస్టు జట్టులో వికెట్ కీపర్ రూడీ సెకండ్​కు చోటు లభించింది. కానీ సౌతాఫ్రికా ఏ జట్టు తరఫున ప్రాక్టీస్​ చేస్తోన్న సమయంలో గాయపడ్డాడు. తక్షణమే సర్జరీ చేయాల్సి వచ్చిన కారణంగా భారత పర్యటనకు దూరమయ్యాడు. ఈ ఆటగాడి స్థానంలో మరో వికెట్ కీపర్​, బ్యాట్స్​మెన్ హెన్రిచ్​ క్లాసన్​కు స్థానం లభించింది.

భారత పర్యటనకు ఎంపిక చేసిన వన్డే జట్టులో వికెట్ కీపర్​గా ఉన్నాడు క్లాసన్​. సెకండ్ గాయం కారణంగా టెస్టుల్లోనూ స్థానం సంపాదించాడు.

భారత్​-దక్షిణాఫ్రికా మొదటి టెస్టు అక్టోబర్ 2న ప్రారంభంకానుంది. ఈ మ్యాచ్​కు​ విశాఖపట్టణం వేదిక కానుంది. అక్టోబర్ 10నుంచి రెండో టెస్టు (పూణె), అక్టోబర్ 19నుంచి మూడో టెస్టు (రాంచి) జరగనున్నాయి.

ఇవీ చూడండి.. కొత్త టెస్టు జెర్సీల్లో టీమిండియా క్రికెటర్లు