టీమిండియా కెప్టెన్, రికార్డుల రారాజు విరాట్ కోహ్లీ శుక్రవారం మరో అరుదైన ఘనతకు చేరువలో ఉన్నాడు. ఇండోర్‌ వేదికగా లంకతో జరిగిన రెండో టీ20లో 30 పరుగులు చేసిన కోహ్లీ కెప్టెన్‌గా 10,999 అంతర్జాతీయ పరుగులు చేశాడు. మూడో మ్యాచ్‌లో మరొక్క పరుగు చేస్తే కెప్టెన్‌గా 11,000 పరుగులు పూర్తి చేసిన ఆరో క్రికెటర్‌గా నిలుస్తాడు. టీమిండియా తరఫున మహేంద్రసింగ్‌ ధోనీ ఒక్కడే ఇదివరకు ఈ ఘనత సాధించాడు.
పుణెలో జరిగే తుది పోరులో భారత్‌ గెలిస్తే 2-0తో సిరీస్‌ వశమవుతుంది. టీమిండియా ఈ ఏడాది అక్టోబర్‌లో ఆస్ట్రేలియాలో ప్రారంభమయ్యే పొట్టి ప్రపంచకప్‌కు ప్రయోగాలు చేసే పనిలో నిమగ్నమైంది.