గతేడాది ప్రపంచకప్లో చేసిన ఉత్తమ ప్రదర్శనకుగానూ ఇంగ్లాండ్ ఆటగాడు బెన్స్టోక్స్ను అత్యుత్తమ పురస్కారం వరించింది. ఇతడు 2019 ఏడాదికి గానూ విజ్డెన్ క్రికెటర్ ఆఫ్ ది ఇయర్గా నిలిచాడు. మూడేళ్లుగా ఈ పురస్కారాన్ని అందుకుంటోన్న టీమ్ఇండియా కెప్టెన్ విరాట్కోహ్లీని వెనక్కినెట్టి దీన్ని సొంతం చేసుకున్నాడు స్టోక్స్. మాజీ ఆటగాడు ఆండ్రూ ఫ్లింటాఫ్ తర్వాత ఈ గౌరవాన్ని పొందిన ఇంగ్లాండ్ క్రికెటర్గా ఘనత సాధించాడు.
2019 ప్రపంచకప్ ఫైనల్లో న్యూజిలాండ్ జట్టుపై బెన్స్టోక్స్ అద్భుత ప్రదర్శన చేశాడు. మ్యాన్ ఆఫ్ ది మ్యాచ్ దక్కించుకున్నాడు. జట్టుకు తొలిసారి ప్రపంచకప్ టైటిల్ అందించాడు. యాషెస్ సిరీస్ మూడో టెస్టులో ఆసీస్పై 135 పరుగులు చేసి నాటౌట్గా నిలిచాడు. ఈ రెండు సందర్భాలను దృష్టిలో ఉంచుకుని ఈ అవార్డుకు స్టోక్స్ను ఎంపిక చేసినట్లు విజ్డెన్ ఎడిటర్ లారెన్స్ బూత్ తెలిపారు.
విజ్డెన్ క్రికెటర్ ఆఫ్ ది ఇయర్ అవార్డును 10 సార్లు అందుకుని డాన్ బ్రాడ్మన్ అరుదైన రికార్డు సృష్టించగా.. 8 సార్లు జాక్ హోబ్స్ గెలుచుకున్నాడు. ఇక భారత్ తరుపున అత్యధిక సార్లు ఈ అవార్డు దక్కించుకున్న క్రికెటర్గా కోహ్లీ (3) రికార్డు సృష్టించాడు.