హైదరాబాద్, విజయవాడ, వరంగల్, తిరుపతి, బెంగళూరు, చెన్నై, కొచ్చి నగరాల్లో మీరు నివసిస్తున్నారా..! అయితే మీకు ఐస్క్రీమ్ ఇచ్చేందుకు సిద్ధమయ్యాడు విజయ్ దేవరకొండ. గురువారం ఈ హీరో పుట్టినరోజు సందర్భంగా ఈ 7 నగరాల్లో ఈ కార్యక్రమం నిర్వహించనున్నారు. సంబంధిత ఫొటోను సామాజిక మాధ్యమాల్లో పంచుకున్నాడు.
రండి.. వచ్చి మీ ఐస్క్రీమ్ తీసుకోండి
హీరో విజయ్ దేవరకొండ తన పుట్టిన రోజును వినూత్నంగా జరుపుకోనున్నాడు. దక్షిణాదిలో ఏడు నగరాల్లో 'ది దేవరకొండ బర్త్డే ట్రక్' పేరిట అభిమానులకు ఐస్క్రీమ్లు పంచేందుకు సిద్ధమయ్యాడు.
రండి.. వచ్చి మీ ఐస్క్రీమ్ తీసుకోండి
ప్రస్తుతం డియర్ కామ్రేడ్ అనే చిత్రంలో నటిస్తున్నాడు విజయ్. జూన్ 26న సినిమాను విడుదల చేస్తున్నట్లు చిత్రబృందం తాజాగా ప్రకటించింది. రష్మిక మందణ్న హీరోయిన్గా నటిస్తోంది. భరత్ కమ్మ దర్శకత్వం వహిస్తున్నాడు. మైత్రీ మూవీ మేకర్స్ నిర్మాతగా వ్యవహరిస్తోంది. ఇప్పటికే విడుదలైన టీజర్ అభిమానుల్ని ఆకట్టుకుంటోంది.