'ఇస్మార్ట్ శంకర్'తో సూపర్ హిట్ను ఖాతాలో వేసుకున్నాడు ఎనర్జిటిక్ స్టార్ రామ్. ప్రస్తుతం తనకు 'నేను శైలజ' వంటి మంచి హిట్ను ఇచ్చిన కిషోర్ తిరుమల దర్శకత్వంలో 'రెడ్' అనే సినిమా చేస్తున్నాడు. తాజాగా ఈ మూవీ పోరాట సన్నివేశ చిత్రీకరణలో గాయపడిన రామ్.. ఫైట్ మాస్టర్ పీటర్హెయిన్ను ఉద్దేశిస్తూ ట్విట్టర్లో వీడియో పోస్ట్ చేశాడు.
"డియర్ పీటర్ హెయిన్.. మీరు నాకు ఇచ్చే పెయిన్ లాగే.. మీకు నామీద ఉండే ప్రేమను ఫీల్ కాగలం కానీ చూడలేం. ఇప్పుడే రషెస్ చూశా. మతిపోయేలా ఉన్నాయి" - రామ్ ట్వీట్
"నిన్న నువ్వు అద్భుతమైన పోరాట ఘట్టాలను రూపొందించావు. నిన్ను నేను మిస్ అవ్వట్లేదని చెప్పడానికే ఈ వీడియో చేస్తున్నా" అని తన గాయాలను చూపిస్తూ బాధను బయటపెట్టాడు రామ్.
స్రవంతి మూవీస్ బ్యానర్పై స్రవంతి రవి కిషోర్ నిర్మిస్తున్న ఈ సినిమాకు సంబంధించిన యాక్షన్ సీన్స్ షూటింగ్.. స్టంట్ మాస్టర్ పీటర్ హెయిన్స్ అధ్వర్యంలో చిత్రీకరిస్తున్నారు. ఇందులో రామ్ మొదటిసారిగా ద్విపాత్రాభినయం చేస్తున్నాడు. ఈ సినిమాకు మణిశర్మ సంగీతం సమకూర్చనున్నాడు.
ఇదీ చదవండి: 'ఓ కంప్యూటర్.. రెండు హార్డ్డిస్క్లతో సినిమా పూర్తి చేశాం'