'సాహో' తర్వాత పాన్‌ ఇండియా స్టార్ ప్రభాస్(prabhas) వరుస సినిమాలతో దూసుకెళ్తున్నారు. ప్రపంచవ్యాప్తంగా సినీ ప్రియుల్ని అలరించేందుకు సిద్ధమవుతున్నారు. ఆయన హీరోగా చేస్తున్న భారీ ప్రాజెక్ట్‌ల్లో 'సలార్' ఒకటి. ప్రశాంత్‌ నీల్‌ (prashanth neel salaar) దర్శకుడు. ఈ సినిమా అప్‌డేట్‌ల కోసం సినీ ప్రియులు ఎంతో ఆసక్తితో ఎదురుచూస్తున్నారు. ఈక్రమంలోనే సోమవారం ఉదయం ఓ స్పెషల్‌ అప్డేట్ చిత్రబృందం అభిమానులతో పంచుకుంది.
చిత్రంలోని కీలక పాత్రను పరిచయం చేసింది. రాజమన్నార్గా(salaar rajamannar) నటిస్తున్న జగపతిబాబు లుక్ విడుదల చేసింది. ఇందులో ఆయన ముక్కుకు రింగు, కోపం నిండిన చూపులతో ఫుల్‌ సీరియస్‌ లుక్‌లో కనిపిస్తూ, ఆకట్టుకుంటున్నారు.