భారత ప్రధాని నరేంద్ర మోదీ జీవితాధారంగా తెలుగు, తమిళ భాషల్లో ఓ చిత్రం తెరకెక్కుతోంది. టైటిల్ పాత్రలో అభయ్ వర్మ నటిస్తున్నారు. దీనికి తెలుగులో 'మనోవిరాగి'గా, తమిళంలో 'కర్మయోగి'గా పేర్లు నిర్ణయించారు. గురువారం మోదీ పుట్టినరోజు సందర్భంగా ఈ చిత్ర టైటిల్ పోస్టర్లను విడుదల చేశారు.
మోదీ జీవితాధారంగా రూపొందుతున్న 'మనోవిరాగి' - మోదీ
ప్రధాని నరేంద్ర మోదీ జీవితాధారంగా తెలుగులో రూపొందుతున్న చిత్రం 'మనోవిరాగి'. గురువారం మోదీ పుట్టినరోజు సందర్భంగా ఈ చిత్రానికి సంబంధించిన టైటిల్ పోస్టర్ను విడుదల చేసింది చిత్రబృందం.
మోదీ జీవితాధారంగా రూపొందుతున్న 'మనోవిరాగి'
చిత్ర సమర్పకులు ఎ.సుభాస్కరన్‌ మాట్లాడుతూ.. "ప్రధాని మోదీ టీనేజ్‌ జీవితంలోని ముఖ్యమైన మలుపులతో తెరకెక్కుతోన్న చిత్రమిది. మోదీ స్వరాష్ట్రం గుజరాత్‌లోని వాద్‌ నగర్‌, ఉత్తరాఖండ్‌ రాష్ట్రంలోని ప్రదేశాలలో ఈ సినిమా చిత్రీకరణ జరిపాం. ప్రస్తుతం నిర్మాణాంతర కార్యక్రమాలు జరుగుతున్నాయి. త్వరలోనే ప్రేక్షకుల ముందుకు తీసుకొస్తాం" అని తెలిపారు.
తెలుగు, తమిళ భాషల్లో తెరకెక్కుతోన్న ఈ చిత్రానికి ఎస్‌.సంజయ్ త్రిపాఠీ దర్శకుడు. లైకా ప్రొడక్షన్స్‌ సమర్పణలో ప్రముఖ బాలీవుడ్‌ దర్శకుడు సంజయ్ లీలా భన్సాలీ, మహవీర్‌ జైన్‌ నిర్మిస్తున్నారు.