'వకీల్ ​సాబ్'​ సెట్స్​లో నివేదా థామస్​

పవన్​కల్యాణ్​ 'వకీల్​ సాబ్​' సెట్స్​లో నివేదా థామస్ అడుగుపెట్టింది. ఆ ఫొటోను ట్వీట్ చేసింది.

పవర్​స్టార్​ పవన్​ కల్యాణ్​ హీరోగా తెరకెక్కుతున్న చిత్రం 'వకీల్​ సాబ్​'. వేణు శ్రీరామ్​ దర్శకత్వం వహిస్తున్నారు. ఇందులో నివేదా థామస్​ కీలక పాత్ర పోషిస్తోంది. కరోనా కారణంగా నిలిచిపోయిన షూటింగ్​ ఇటీవలే ప్రారంభమైంది. ఇప్పటికే 70 శాతం చిత్రీకరణ పూర్తి చేసుకోగా, చివరి షెడ్యూల్​ పూర్తి చేయాల్సి ఉంది.

అయితే, మంగళవారం నివేదా థామస్ సినిమా సెట్స్​లో అడుగుపెట్టింది. ఆ ఫొటోను ట్విట్టర్​ వేదికగా అభిమానులతో పంచుకుంది. త్వరలోనే పవన్​ కూడా షూటింగ్​లో పాల్గొననున్నారు.

అంజలి కూడా మరో కీలక పాత్రలో నటిస్తోంది. దిల్​రాజు, బోనీ కపూర్​ సంయుక్తంగా నిర్మిస్తున్నారు. తమన్​ స్వరాలు సమకూరుస్తున్నారు. వచ్చే ఏడాది సంక్రాంతి కానుకగా సినిమాను ప్రేక్షకుల ముందుకు తీసుకురానున్నారు.