*ముద్దుగుమ్మ పూజాహెగ్డే(Pooja hegde).. విజయ్ 'బీస్ట్'(Vijay Beast) కోసం డ్యాన్స్ ప్రాక్టీసు మొదలుపెట్టేసింది. ఆ విషయాన్ని చెబుతూ, ఓ ఫొటోను ఇన్స్టా స్టోరీలో పోస్ట్ చేసింది. ఇటీవల విడుదలైన ఈ సినిమా ఫస్ట్లుక్స్ అభిమానుల్ని ఆకట్టుకున్నాయి. నెల్సన్ దిలీప్ కుమార్ దర్శకత్వం వహిస్తున్నారు.
పూజాహెగ్డే ఇన్స్టా స్టోరీ *యువ కథానాయకుడు సుధీర్బాబు(sudheer babu).. తాను నటిస్తున్న 'శ్రీదేవి సోడా సెంటర్'(sridevi soda centre) డబ్బింగ్ పూర్తిచేశారు. అందుకు సంబంధించిన ఓ వీడియోను ట్వీట్ చేశారు. అందులో ఆయన పడుతున్న కష్టం, అభిమానుల్న మెప్పిస్తోంది. ఈ సినిమాకు కరుణ కుమార్ దర్శకత్వం వహించారు.
*సిద్ధార్థ్-శర్వానంద్ నటిస్తున్న మల్టీస్టారర్ 'మహాసముద్రం'(mahasamudram). ఇందులో ప్రతినాయకుడిగా 'కేజీఎఫ్' ఫేమ్ గరుడరాజ్ నటిస్తున్నారు. శనివారం ఆయన చేస్తున్న ధనుంజయ పాత్ర లుక్ను విడుదల చేశారు. 'ఆర్ఎక్స్' 100(RX100) ఫేమ్ అజయ్ భూపతి ఈ సినిమాకు దర్శకత్వం వహిస్తున్నారు.
మహాసముద్రం సినిమా న్యూ లుక్
*సునీల్(sunil) డిటెక్టివ్గా నటిస్తున్న 'కనబడుటలేదు' టీజర్(Kanabadutaledu Teaser) ప్రేక్షకుల ముందుకొచ్చింది. హీరోయిన్ శ్రీదివ్య దీనిని సోషల్ మీడియాలో పోస్ట్ చేశారు. థ్రిల్లర్ కథతో తెరకెక్కిన ఈ సినిమాకు బాలరాజు దర్శకుడు. స్పార్క్ ఓటీటీ వేదికగా త్వరలో విడుదల కానున్నట్లు వెల్లడించారు.
ఇవీ చదవండి:
