బాలీవుడ్‌లో హీరో అక్షయ్ కుమార్, దర్శకుడు జగన్ శక్తి కాంబినేషన్లో 'మిషన్ మంగళ్' సినిమా రూపొందుతోంది. తాప్సీ, విద్యా బాలన్‌, సోనాక్షి సిన్హా, నిత్యా మేనన్‌, కీర్తి కుల్హరి, షర్మన్ జోషి కీలక పాత్రల్లో నటిస్తున్నారు. ఇటీవల సినిమా టీజర్ను విడుదల చేసింది చిత్ర బృందం. దీనికి ప్రజల నుంచి మంచి స్పందన లభిస్తోంది. మంగళవారం ఆ వీడియోను సామాజిక మాధ్యమాల్లో షేర్ చేయగా... దానిపై భారత అంతరిక్ష పరిశోధన సంస్థ (ఇస్రో) ట్వీట్ చేసింది.
" ఒక దేశం, ఒక కల, ఒక చరిత్ర.. భారతదేశం నుంచి అంగారకుడిపైకి పంపిన తొలి ఉపగ్రహం మంగళ్‌యాన్‌. ఈ శాటిలైట్ కథ ఆధారంగా రాబోతున్న సినిమా టీజర్ ఇదిగో"’అని టీజర్ను త‌న ట్విట్ట‌ర్ ద్వారా షేర్ చేశాడు అక్షయ్.
ఈ చిత్ర టీజ‌ర్‌పై అభిమానులు, ప్రముఖులు ప్ర‌శంస‌లు కురిపించగా... తాజాగా ఇస్రో కూడా స్పందించింది.